10.01.2025 | 23:14
ՊԵԿ նախագահն ընդունել է Հնդկաստանի դեսպանին
UNESCO-ի հետ համատեղ VADA-ն Հայաստանում գագաթնաժողով է անցկացնելու․ սա լուրջ ձեռքբերում է․ Կարեն Գիլոյան․ ՏԵՍԱՆՅՈՒԹ
24.02.2023 | 11:42
Ընթանում է ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նիստը: Քննարկվում է Ֆիզիկական կուլտուրայի և սպորտի մասին օրենքում փոփոխություններ և լրացումներ կատարելու մասին նախագիծը։
Նախաձեռնությունը պայմանավորված է նաև Համաշխարհային հակադոպինգային գործակալության կողմից Հայաստանի «Հակադոպինգային գործակալություն» ՊՈԱԿ-ին հասցեագրված գրությամբ, որում ներկայացված է պահանջ` իրականացնելու փոփոխություններ և լրացումներ «Ֆիզիկական կուլտուրայի և սպորտի մասին» 2001 թվականին ընդունված օրենքի` դոպինգի սահմանման և հակադոպինգային գործունեությանը վերաբերող հոդվածներում:
Դոպինգի նորմերին և կանոններին վերաբերող փոփոխությունների արդյունքում կկատարվեն Համաշխարհային հակադոպինգային օրենսգրքով սահմանված պարտադիր իրավական նորմերին համապատասխանելու վերաբերյալ ՀՀ ստանձնած պարտավորությունները:
«Վերջին փոփոխությունները բխում են նրանից, որ VADA-ի (Կամավոր հակադոպինգային ասոցիացիա) օրենսդրությունը դա է պահանջում, և մենք այդ օրենսդրությունը որպես հիմք ընդունելով ենք բխեցրել մեր դրույթները։ Շատ կարևոր է սա ընդունել, որ չորակազրկվեն մեր մարզիկները․ գիտենք, որ VADA-ն կարող է երկրներին զրկել օրհներգից, դրոշից։ Մեզ շատ գովում են․ լավ են վերաբերվում, գոհ են ՀՀ կառավարության աշխատանքից»,- նշեց հարակից զեկուցող ԿԳՄՍ նախարարի տեղակալ Կարեն Գիլոյանը։
Նա նաև տեղեկացրեց, որ UNESCO-ի հետ համատեղ VADA-ն (Կամավոր հակադոպինգային ասոցիացիա) Հայաստանում գագաթնաժողով է անցկացնելու․ «Ամեն տեղ չէ, որ անցկացնում են, սա լուրջ ձեռքբերում է»։
Մանրամասները՝ տեսանյութում։
