08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թուրքիայում 160 կապալառու է կալանավորվել երկրաշարժի հետևանքով շենքերի փլուզման հետաքննության շրջանակում
Քաղաքականություն
23.02.2023 | 23:30
Թուրքիան ընդլայնում է հետաքննությունը շինարարական կապալառուների նկատմամբ։ Այս մասին հայտնել է ներքին գործերի նախարար Սուլեյման Սոյլուն՝ նշելով, որ երկիրն ընդլայնում է նաև տուժածների համար բնակարանային ծրագրերը, գրում է Reuters-ը։
Սոյլուն հայտնել է, որ 564 կասկածյալ է նույնականացվել, 160 մարդ պաշտոնապես կալանավորվել է, շատերի նկատմամբ հետաքննությունը շարունակվում է։
«Մեր քաղաքները կկառուցվեն ճիշտ վայրերում, մեր երեխաները կապրեն ավելի ուժեղ քաղաքներում: Մենք գիտենք, թե ինչ փորձության ենք բախվում, և մենք դուրս կգանք այս ամենից ավելի ուժեղ»,- ասել է Սոյլուն պետական TRT Haber-ին տված հարցազրույցում։
Նախարարը նաև տեղեկացրել է, որ 313,000 վրաններ են տեղադրվել, երկրաշարժի գոտում դեռ 100,000 կոնտեյներային տներ պետք է տեղադրվեն։
Թուրքիայի նախագահ Ռեջեփ Թայիփ Էրդողանը խոստացել է մեկ տարվա ընթացքում վերակառուցել շենքերը։
Հավելենք, որ Թուրքիայում փետրվարի 6-ի ավերիչ երկրաշարժի զոհերի թիվը գերազանցել է 43,000-ը։
Էմմա Չոբանյան
