10.08.2026 | 10:03
4 խաղափուլից հետո երեք հայ շախմատիստ առաջատարների շարքում է. Եվրոպայի Մ20 առաջնություն
Մանվել Գրիգորյանն աչքիս լույսը չէ, բայց նրան պետք է տալ խոսելու հնարավորություն․ Պարույր Հայրիկյան․ ՏԵՍԱՆՅՈՒԹ
Քաղաքականություն
19.06.2018 | 14:46
ԱԻՄ առաջնորդ Պարույր Հայրիկյանն այսօր լրագրողների հետ հանդիպման ժամանակ, անդրադառնալով ԱԱԾ-ի վերջին սկանդալային բացահայտումներին, նշեց, որ Մանվել Գրիգորյանի հետ կապված քննադատական խոսքերին չի ցանկանում որևէ բան ավելացնել, քանի դեռ Մանվել Գրիգորյանն ինքն անձամբ չի խոսել:
«Մանվել Գրիգորյանն իմ աչքի լույսը չէ, ես պատերազմին մասնակցել եմ, և երբ ուզում էի իմ մասնակցության վկայականը ստանալ, պարզվեց, որ Մանվելը պետք էր այդ վկայականը ստորագրեր, թեպետ, ինձ պարետ նշանակել էր նախագահը։ Կա անմեղության կանխավարկած և կարծում եմ, որ նրան պետք է տալ խոսելու հնարավորություն, գոնե մի անգամ իրեն ներկայացված մեղադրանքի մասին պետք է խոսի»,- ասաց ԱԻՄ առաջնորդը։
ԱԻՄ առաջնորդը խոսեց նաև ԵԿՄ-ի մասին՝ նշելով, որ ԵԿՄ-ն պետության համար բացասական երևույթ է, քանի որ պետությունն ունենում է բանակ և պահեստազոր, իսկ մնացյալ կառույցներն անառողջ կառույցներ են։
Պարույր Հայրիկյանը նշեց, որ հանրության առջև դրված է մեծ խնդիր, և պետք է երկիրը դարձնել քաղաքացիների սեփականությունը, անկախ նրանից դրա վերաբերյալ կչարախնդան, թե՝ ոչ։
«Իրավական դաշտը պետք է նաև աղբազրկել»,- ասաց Պարույր Հարիկյանը՝ նշելով, որ այսօր պաշտոնական դիմում է ներկայացնելու ԱԱԾ-ին, որը վերաբերում է երկրում առկա մի շարք խնդիրների։
Մանրամասները՝ տեսանյութում։
