24.06.2026 | 16:37
Պարեկներին կաշառք առաջարկած 65-ամյա տղամարդը ձերբակալվել է
Կրակ է արձակել թափառող շներին վախեցնելու նպատակով․ հրազենը ներկայացվել է Շիրակի մարզի քննչական վարչություն
23.02.2023 | 15:26
Ոստիկանության Շիրակի մարզի պարեկային ծառայության 1-ին վաշտի 3-րդ դասակի պարեկները փետրվարի 22-ի ժամը 08.00-ի սահմաններում Գյումրի քաղաքի Ղարսի խճուղում ծառայություն իրականացնելիս լսել են կրակոցի ձայն: Նրանք նշված վայրից ոստիկանության Մուշի բաժին են ներկայացրել 62-ամյա տղամարդու: Նրա մոտ եղել է «Վեպռ» տիպի հրազեն, որի փամփշտատուփում կար 7,62 մմ տրամաչափի 4 փամփուշտ․ տեղեկացնում են ոստիկանությունից։
Տղամարդը հայտնել է, որ հրազենի համար ունի համապատասխան թույլտվություն: Նաև հայտնել է, որ կրակել էր թափառող շներին վախեցնելու նպատակով:
62-ամյա տղամարդը, կազմված փաստաթղթերը և հրազենը ներկայացվել են Շիրակի մարզի քննչական վարչություն:
