14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Վերադարձվող գումարները նշանակում են, որ թոշակը բարձրացրել ենք 6 հազար դրամով. Փաշինյան․ ՏԵՍԱՆՅՈՒԹ
Հասարակություն
23.02.2023 | 11:54
2022-ի հուլիսի 1-ից 12 միլիարդ 347 միլիոն 447 հազար դրամի անկանխիկ շրջանառության ծավալ է արձանագրվել։ Ամփոփելով կենսաթոշակների հետվճարի արդյունքները՝Կառավարության նիստի ժամանակ հայտարարեց աշխատանքի և սոցիալական հարցերի նախարար Նարեկ Մկրտչյանը։
Նրա խոսքով՝ կենսաթոշակների հետվճարի համակարգի միջոցով 2022թ–ի հուլիսից մինչև այս տարվա հունվարը ներառյալ կենսաթոշակառուներին վճարվել է 1 միլիարդ 29 միլիոն դրամ։
«Համակարգի ներդրման պահից` 2022-ի հուլիսի 1-ից, 12 միլիարդ 347 միլիոն 447 հազար դրամի անկանխիկ շրջանառության ծավալ ունենք։ Հունվարին աճը մի փոքր ավելի ցածր է ի տարբերություն նոյեմբեր-դեկտեմբեր ամիսների, ինչը պայմանավորված է Ամանորի տոների կապակցությամբ այդ ամիսների գնողունակության բարձրացման հետ»,- նշեց Մկրտչյանը։
Նրա խոսքով` անկանխիկ առևտրի հետ կապված փետրվարին տվյալների աճ է կանխատեսվում` հաշվի առնելով այն հանգամանքը, որ 1000-ից ավել բնակչություն ունեցող գյուղերում կենսաթոշակներն ու նպաստներն անկանխիկ կտրամադրվեն։
Նախարարը նշեց, որ կենսաթոշակառուներին հետվճարի համակարգի միջոցով վերադարձվող գումարի միջին թիվը 3200 դրամ է, և կենսաթոշակառուների 70 տոկոսն իր թոշակը ծախսում է անկանխիկ եղանակով։
Ի պատասխան վարչապետ Նիկոլ Փաշինյանն էլ նշեց, որ սա նշանակում է` թոշակը սեպտեմբերից ոչ թե 3000 դրամով են ավելացրել, այլ 6000։ Նա հավելեց, թե այս ծրագիրը կարելի է համարել կառավարության և թոշակառուների համագործակցություն ստվերի դեմ պայքարում։
Մանրամասները՝ տեսանյութում։
