13.12.2024 | 18:30
Կրասնոդարում դպրոցականների վրա դանակով հարձակված ՀՀ քաղաքացի դեռահասի ծնողները կվտարվեն ՌԴ-ից
Վարչապետի հետ հանդիպում ենք պահանջում. Ֆիրդուսի բնակիչ․ ՏԵՍԱՆՅՈՒԹ
Հասարակություն
23.02.2023 | 11:17
Ֆիրդուսի (33-րդ թաղամաս) բնակիչները ՀՀ կառավարության շենքի մոտ իրենց բողոքի ձայնն են բարձրացրել իրենց թաղամասը հերթական անգամ հանրային բացառիկ գերակա շահ ճանաչելու որոշման ժամկետի երկարաձգման կապակցությամբ:
«Վարչապետի հետ հանդիպում ենք պահանջում»,- լրագրողների հետ զրույցում նշեց Ֆիրդուսի թաղամասի բնակիչը, որն այստեղ բնակվում է 1967 թվականից։
Նշենք, որ 2015 թվականին, կառավարությունը, ելնելով գերակա հանրային շահից, որոշել է քանդել «Ֆիրդուսի» թաղամասի մի քանի տներ և պահեստներ։ Բնակիչների մեծ մասը փոխհատուցում է ստացել, սակայն կան բնակիչներ, որոնք փոխհատուցման չափը համարում են անհամաչափ և չեն լքում իրենց տները։
«Սա ոչ թե գերակա շահ է, այլ գերակա մեծ շահույթ, և այդ մեծ շահույթի մեջ ուզում են մեզ լումաներով փոխհատուցել, մենք էլ չենք համաձայնվում»,- ասաց Ֆիրդուսի թաղամասի բնակիչը։
Հիշեցնենք՝ Երևանի կենտրոնում գտնվող Ֆիրդուսի թաղամասն առաջին անգամ հանրային գերակա շահ հռչակվեց 2008 թվականին, նույն որոշումը վերահաստատվեց նաև 2018 թվականի մարտի 22-ին` «թավշյա հեղափոխությունից» մեկ ամիս առաջ:
Ովքեր են կառուցապատելու Ֆիրդուսի թաղամասի տարածքը, և ինչ է հայտնի նոր ներդրողների մասին
Թաղամասի կառուցապատումը նախատեսվում է ավարտել 2023-2024 թվականներին: Ըստ կառուցապատման նախագծի՝ Ֆիրդուսի նոր թաղամասում լինելու են ինչպես բնակելի շենքեր, այնպես էլ հյուրանոցներ ու բիզնես կենտրոններ:
Մանրամասները՝ տեսանյութում։
