12.12.2024 | 11:45
Ենթադրում եմ՝ բոլոր ճանապարհները չեն նորոգվել, պետք է գրել՝ քանի կիլոմետր․ Փաշինյանը՝ Խուդաթյանին․ ՏԵՍԱՆՅՈՒԹ
Բանակցային գործընթացի սառեցումը հակաարդյունավետ ենք համարում․ ՌԴ-ն կոչ է արել Բաքվին ու Երևանին վերսկսել բանակցությունները․ ՏԵՍԱՆՅՈՒԹ
Քաղաքականություն
22.02.2023 | 18:51
Բաքվի և Երևանի հետ երկխոսության ընթացքում շարունակվում են լուծումների որոնումները Լաչինի միջանցքի լիարժեք գործունեության վերսկսման համար՝ համաձայն 2020 թվականի նոյեմբերի 9-ի հայտարարության։ Այս մասին իր ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նա նշել է, թե իրավիճակի բարդ լինելու պատճառով հայ-ադրբեջանական բանակցությունների սառեցումը հակաարդյունավետ է։
«Ինչքան էլ լարված լինի իրավիճակը տարածաշրջանում, այդ պատրվակով բանակցությունների սառեցումը հակաարդյունավետ ենք համարում։ Նման հռետորաբանությունը հեռացնում է Հարավային Կովկասում կայունության հաստատումը»,- հայտարարել է Զախարովան։
Նա Բաքվի և Երևանի գործընկերներին կոչ է արել հնարավորինս արագ վերսկսել համատեղ աշխատանքը՝ հայտնելով ՌԴ ԱԳՆ-ի պատրաստակամությունը՝ աջակցել կոմունիկացիաների ապաշրջափակման և սահմանների սահմանազատման հանձնաժողովների կանոնավոր հանդիպումների կազմակերպմանը, արտաքին գործերի նախարարների մակարդակով խաղաղության պայմանագրի նախապատրաստման շուրջ բանակցությունների նոր փուլեր վերսկամանը, ինչպես նաև խթանել երկխոսությունը քաղաքացիական հասարակության, փորձագիտական շրջանակների և խորհրդարանականների մակարդակով։
Մանրամասները՝ տեսանյութում։
Տաթև Ֆռանգյան
