29.11.2024 | 18:18
Էկոպարեկային ծառայության պետը՝ անտառահատումների և ՇՄ նախարարի հետ ընկերության մասին․ ՏԵՍԱՆՅՈՒԹ
Ադրբեջանն ու Իսրայելը քննարկում են անօդաչուների համատեղ արտադրության ընդլայնման հարցը
Քաղաքականություն
22.02.2023 | 12:43
Ադրբեջանի Պաշտպանական արդյունաբերության նախարար Մադաթ Գուլիևը Աբու Դաբիում ընթացող «IDEX-2023» միջազգային պաշտպանական ցուցահանդեսի և համաժողովի շրջանակում հանդիպում է ունեցել իսրայելական Aeronautics ընկերության ղեկավար Մոշե Էլազարի հետ, գրում են ադրբեջանական լրատվականները։
«Տեղի է ունեցել մտքերի փոխանակում անօդաչու թռչող սարքերի համատեղ արտադրության ոլորտում համագործակցության հետագա ընդլայնման ուղղությամբ»,- ասվում է հաղորդագրության մեջ։
Բացի այդ, Գուլիևը հանդիպել է Մարոկկոյի ՊՆ ղեկավար Աբդելտիֆ Լուդիի հետ։ Կողմերը քննարկել են ռազմատեխնիկական ոլորտում երկու երկրների հարաբերությունների ներկա վիճակը և հետագա համագործակցության հեռանկարները։
Ի դեպ, օրերս էլ Մյունխենի անվտանգության համաժողովի շրջանակում Ադրբեջանի նախագահ Իլհամ Ալիևը հանդիպել էր Իսրայելի ՊՆ ղեկավար Յոավ Գալանտի հետ։
Էմմա Չոբանյան
