22.03.2026 | 21:42
Վահագն Խաչատուրյանն առանձնազրույց է ունեցել Վրաստանի նախագահի հետ
Զախարովան հիստերիայի մեջ է ԵՄ դիտորդների պատճառով. այո՛, ՌԴ-ն դուրս է մղվում ռեգիոնից. Հարություն Մկրտչյան․ ՏԵՍԱՆՅՈՒԹ
Քաղաքականություն
21.02.2023 | 19:17
Այսօր տեղի ունեցավ ժողովրդավարական արժեքներին հարող քաղաքական ուժերի, հասարակական կազմակերպությունների ներկայացուցիչների կոնֆերանսը։ Հիմնական ուղերձն այն էր, և ընդունվեց հայտարարություն, որ ՀՀ-ի իշխանությունը պետք է սկսի Եվրա-ատլանտյան համակարգերին, ԵՄ-ին ինտեգրվելու քաղաքականություն։
Մասնակցում էր նաև քաղաքագետ Հարություն Մկրտրյանը, ումից Factor TV-ի հարցազրույցում հետաքրքրվեցինք, թե որոնք են եվրաինտեգրման գնալու նրանց հիմնավորումները։ «Եվրոպացի դիտորդների՝ Հայաստան գալուց հետո մեր պետության անվտանգությունը քիչ թե շատ պահպանվում է։ Հույս ունենանք՝ կհաջողվի նրանց առաքելությունը այս երկու տարիների ընթացքում, այնպես, ինչպես հաջողեցին երկու ամսվա իրենց առաքելության շրջանակներում։
Այս համատեքստում տեսնում ենք Մարիա Զախարովայի հիստերիկ դրսևորումները, թե եվրոպացի դիտորդների տեղակայումը ՌԴ-ն դիտարկում է իբրև ՀՀ-ի արտաքին քաղաքական կուրսի փոփոխություն և ռուսական կողմի դուրսմղում ռեգիոնից։ Ես ուզում եմ նրան հակադարձել և ասել, որ այո, այդպես էլ կա, տիկի՛ն Զախարովա, մենք բռնել ենք այդ ուղին, և մենք մեր մասով անելու ենք ամեն ինչ, որ ՀՀ-ն գնա դեպի եվրոպական ընտանիք»,- ասաց Հարություն Մկրտչյանը։
Հարցազրույցն ամբողջությամբ՝ տեսանյութում։
Ռոբերտ Անանյան
