27.06.2026 | 09:03
ԱԱ-2026. Բելգիան ու Եգիպտոսը նվաճեցին փլեյ-օֆֆի ուղեգիր. ՏԵՍԱՆՅՈՒԹ
Թուրքիայում երկրաշարժից երկու շաբաթ անց աղետի գոտում դեռ վրանների պակաս կա
Քաղաքականություն
21.02.2023 | 22:39
Թուրքիայում ավերիչ երկրաշարժից երկու շաբաթ անց Հաթայ նահանգում փրկվածները դեռ տառապում են վրանների պակասից։ Բեյլիքդուզու թաղամասի 380 վրաններից բաղկացած ճամբարում, ընդհանուր առմամբ, ապրում է 2,115 մարդ, գրում է Gercek News-ը։
«Համակարգվածության մեծ պակաս կա: Մենք երկար հերթեր ենք կանգնում՝ մեր խնդրանքը փոխանցելու համար: Այստեղ ընդամենը վեց զուգարան կա, դեռևս լոգանք ընդունելու հնարավորություն չկա»,- պատմել է 65-ամյա Հալիլը։
Շրջանի պաշտոնյաներից մեկը նույնպես ընդունում է, որ աշխատանքների համակարգումը դեռ ավարտված չէ։
Վրանային ճամբարների կարևոր խնդիրներից մեկն էլ երեխաների հարցն է։ Աղետից տուժած շրջաններում կամավոր աշխատող ուսուցիչները պատմել են, որ Կարմիր մահիկը սկսել է երեխաներին հոգեբանական-սոցիալական աջակցություն տրամադրել աղետից միայն 13 օր անց։
Հաթայի Դեֆնե բնակավայրում մարդիկ դեռ վրաններ են փնտրում։ Քաղաքացիները շատ կոշտ են արձագանքում, քանի որ ի վիճակի չեն օրերով վրան գտնել։
Էմմա Չոբանյան
