09.09.2026 | 14:22
ԱԺ առողջապահության հարցերի մշտական հանձնաժողովի նիստը․ ՈՒՂԻՂ
Ադրբեջանը մեծ հաճույք է ստանում ռուս-հայկական հարաբերությունների լարումից, դա հրավիրում է նրա ագրեսիան․ Լևոն Զուրաբյան․ ՏԵՍԱՆՅՈՒԹ
Քաղաքականություն
21.02.2023 | 20:32
Հայ Ազգային կոնգրեսի փոխնախագահ Լևոն Զուրաբյանը Factor TV-ի հարցազրույցում ասում է՝ ինքը ռիսկ է տեսնում հայ-ռուսական հարաբերություններում առկա ներկա լարումից․ «Ադրբեջանը հիմա շատ մեծ հաճույք է ստանում ռուս-հայկական հարաբերությունների լարումից, ուր անվստահություն է, փոխադարձ մեղադրանք է, ինչը շատ ավելի վտանգավոր երևույթ է, երբ այն դիտարկում ենք Ադրբեջանի՝ ռազմական ներխուժում կատարելու հավանականության տեսանկյունից։
Հարաբերությունների նման որակը, ակնհայտ է, որ ավելի է հրավիրում Ադրբեջանին, Ալիևը շատ ավելի անպատիժ է իրեն զգալու՝ հարձակման գինը վճարելու տեսակետից, քան եթե՝ այդ հարաբերությունները մի քիչ ավելի լավը լինեին»,- ասաց քաղաքական գործիչը։
Երեկ Հայաստանում տեղակայվեցին ԵՄ-ի դիտորդներ, որոնք նպատակ ունեն հայ-ադրբեջանական սահմանի կայունացմանը նպաստել։ Դիտորդները տեղակայվեցին այն բանից հետո, երբ ՌԴ-ն չկատարեց ՀՀ-ի նկատմամբ անվտանգային պարտավորությունները և ադրբեջանական զավթումները վերացնելուն չաջակցեց, մինչդեռ ՌԴ ԱԳՆ-ն հայտարարում է, թե դիտորդները եկել են Հայաստան ՌԴ-ին դուրս մղելու նպատակով։
Հարցազրույցն ամբողջությամբ՝ տեսանյութում։
Ռոբերտ Անանյան
