17.08.2026 | 18:06
«Յաբլոկո»-ի փոխնախագահ Լև Շլոսբերգը 11 տարվա ազատազրկման է դատապարտվել ռազմական «կեղծիքների» և ՌԴ բանակը «վարկաբեկելու» գործով
Թուրքական Հաթայում նոր երկրաշարժի հետևանքով ճանապարհներին հսկայական ճեղքեր են առաջացել․ ԼՈՒՍԱՆԿԱՐՆԵՐ
Քաղաքականություն
21.02.2023 | 23:04
Թուրքիայի Հաթայ նահանգի Դեֆնե և Սամանդաղ շրջաններում նախօրեին տեղի ունեցած 6,4 և 5,8 մագնիտուդով երկրաշարժերի ժամանակ Անթաքիայի մայրուղիներում հսկայական ճեղքեր են առաջացել, տեղի են ունեցել փլուզումներ, գրում են թուրքական լրատվամիջոցները։
Փլուզումների պատճառով երթևեկության համար փակված ճանապարհները նաև թույլ չեն տալիս հասնել գյուղական բնակավայրեր։ Թուրքական լրատվամիջոցները կադրեր են հրապարակել առաջացած ճեղքերից և փլուզումներից։
«Երկրաշարժից 3-4 ժամ առաջ եկա այստեղ, ճանապարհը հարթ էր։ Գուշակում էինք՝ ճանապարհի վիճակն ինչպես է, քանի որ երկրաշարժի ուժգնությունը շատ մեծ չէր, բայց ամենուր քանդված է։ Իմ տունը նույնիսկ ուժեղ երկրաշարժից չէր քանդվել, իսկ երեկ է քանդվել»,- ասել է երկրաշարժից փրկված Սուլեյման Դաղը։
Հավելենք, որ Հաթայում երկրաշարժի հետևանքով զոհվել է 6, վիրավորվել՝ 294 մարդ, որոնցից 18-ի վիճակը ծանր է։
Էմմա Չոբանյան
