08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մոսկվայում ԱՄՆ դեսպան Լինն Թրեյսին կանչվել է ՌԴ ԱԳՆ
Քաղաքականություն
21.02.2023 | 16:39
Մոսկվայում ԱՄՆ դեսպան Լին Թրեյսին կանչվել է ՌԴ ԱԳՆ, նրան բողոք են փոխանցել՝ կապված Ուկրաինայում տիրող իրավիճակում «Վաշինգտոնի ներգրավվածության ընդլայնման հետ», գրում է Ինտերֆաքսը։
«Փետրվարի 21-ին ՌԴ ԱԳՆ կանչված ամերիկյան դիվանագիտական առաքելության ղեկավարին դեմարշ է արվել՝ կապված Կիևի վարչակարգի կողմից ռազմական գործողություններին ԱՄՆ-ի աճող ներգրավվածության հետ»,- ասվում է ՌԴ ԱԳՆ հաղորդագրության մեջ։
Նշվում է, որ «դեսպանին հանձնված նոտայում նշվել է Ուկրաինային զինատեսակներով խթանելը, ինչպես նաև ռուսական ռազմական և քաղաքացիական ենթակառուցվածքներին հարվածելու համար թիրախների փոխանցումը ակնհայտորեն ապացուցում է ամերիկյան կողմի պնդումների անհամապատասխանությունն ու կեղծիքը, որ Միացյալ Նահանգները հակամարտության կողմ չէ»։
«Նշվել է նաև, որ Կիևին մատակարարվող զենքերը, ինչպես նաև սպասարկող անձնակազմը, այդ թվում՝ ամերիկացի քաղաքացիները, օրինական թիրախ են»,- ասվում է հայտարարության մեջ։
Մոսկվան նշել է, որ իրավիճակի ապաէսկալացիայի համար «Վաշինգտոնը պետք է քայլեր ձեռնարկի, որոնք ենթադրում են ԱՄՆ-ՆԱՏՕ ռազմական տեխնիկայի դուրսբերում, ինչպես նաև թշնամական հակառուսական գործունեության դադարեցում»։
Ռուսական կողմը նաև ուշադրություն է հրավիրել, որ ԱՄՆ պետք է բացատրություն տա «Հյուսիսային հոսք» գազատարներում տեղի ունեցած պայթյունների վերաբերյալ և չմիջամտի օբյեկտիվ հետաքննությանը։
Էմմա Չոբանյան
