08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՌԴ-ն կասեցնում է Ռազմավարական հարձակողական սպառազինության սահմանափակման պայմանագրին մասնակցությունը․ Պուտին
Քաղաքականություն
21.02.2023 | 15:37
ՌԴ նախագահ Վլադիմիր Պուտինը Դաշնային խորհրդին ուղղված ամենամյա ուղերձում հայտարարել է, որ Մոսկվան կասեցնում է իր մասնակցությունը Ռազմավարական հարձակողական սպառազինությունների սահմանափակման պայմանագրին։ Նա, միաժամանակ, պարզաբանել է, որ երկիրը դուրս չի գալիս դրանից։
Պուտինի խոսքով՝ տեղեկություն կա, որ «Վաշինգտոնը մտածում է միջուկային զենքի բնական փորձարկման մասին»։ Նա նախազգուշացրել է, որ այդ դեպքում Մոսկվան ևս նման փորձարկում կանցկացնի։
Ըստ Պուտինի՝ ՌԴ ՊՆ-ն և «Ռոսատոմ»-ը պետք է պատրաստվեն անհրաժեշտության դեպքում նման փորձարկումներ անցկացնել։ Սակայն ՌԴ-ն մտադիր չէ առաջինը դրանք անցկացնել, հավելել է նա։
«Ոչ ոք վտանգավոր պատրանքներ չպետք է ունենա այն մասին, որ համաշխարհային ռազմական հավասարությունը կարող է փլուզվել»,- հայտարարել է Վլադիմիր Պուտինը։
Տաթև Ֆռանգյան
