01.06.2026 | 22:25
Ռուսաստանը հունիսի 2-ից ժամանակավոր սահմանափակումներ է մտցնում Հայաստանից բալի, ծիրանի և խաղողի ներմուծման վրա
Լեհաստանը Ջո Բայդենից մարտական ինքնաթիռներ է խնդրելու Ուկրաինայի համար
Քաղաքականություն
21.02.2023 | 19:55
Լեհաստանի իշխանություններն ԱՄՆ նախագահ Ջո Բայդենի հետ կքննարկեն Ուկրաինային մարտական ինքնաթիռներ մատակարարելու հնարավորությունը։ Այս մասին հայտարարել է Լեհաստանի ԱԳ փոխնախարար Պավել Յաբլոնսկին, գրում է BBC-ի ռուսական ծառայությունը։
Նախօրեին Ջո Բայդենը մի քանի ժամ Կիևում լինելուց հետո ժամանել է Վարշավա։ Այսօր նախատեսվում է նրա հանդիպումը Լեհաստանի նախագահ Անջեյ Դուդայի հետ։
Յաբլոնսկիի խոսքով՝ Լեհաստանը շարունակելու է անել ամեն ինչ, որ Ուկրաինան անհրաժեշը սպառազինություն ստանա։
«Մենք կարծում ենք՝ կան երկրներ, որոնք կարող են ավելին անել: Լեհաստանն արդեն շատ զենք է փոխանցել: Մենք ցանկանում ենք է՛լ ավելի փոխանցել՝ միաժամանակ զինվելով և հզորացնելով լեհական բանակը»,- ասել է նա։
Լեհաստանն Ուկրաինայի գլխավոր դաշնակիցներից մեկն է, որը զգալի աջակցություն է ցուցաբերում Կիևին ռուսական ագրեսիան հետ մղելու հարցում։
Լեհաստանի նախագահի արտաքին գործերի հարցերով խորհրդական Մարչին Պշիդաչն իր հերթին հայտարարել է, որ Բայդենի հետ բանակցություններում քննարկվելու է երկրում ՆԱՏՕ-ի ներկայության ավելացման հարցը։
«Գաղտնիք չէ, որ մենք խոսելու ենք ՆԱՏՕ-ի ներկայության ավելացման մասին, այդ թվում՝ ենթակառուցվածնքերի տեսակետից»,- ասել է լեհ պաշտոնյան։
Էմմա Չոբանյան
