18.12.2025 | 22:20
Վթար Ներքին Դվին գյուղում․ կան տուժածներ
Թուրքիայում և Սիրիայում երկրաշարժից առաջ երկնագույն բռնկում է նկատվել երկնքում․ գիտնականները բացատրություն չունեն
Քաղաքականություն
21.02.2023 | 15:55
Թուրքիայի և Սիրիայի սահմանին երկրաշարժից առաջ երկնքում երկնագույն բռնկում է նկատվել։ Սոցցանցերի օգտատերերը լուսանկարներ և տեսանյութեր են հրապարակում։
Դրանցում նկատելի է երկնագույն փայլատակում, ինչից հետո սկսվում են ստորգետնյա ցնցումները։
Նշվում է, որ այս երեւույթը նկատել են սիրիական Լաթաքիայի և Թուրքիայի սահմանամերձ շրջանների բնակիչները։
Դամասկոսի համալսարանի սեյսմիկ հետազոտությունների բարձրագույն ինստիտուտի տնօրեն Հալա Հասանը Sham FM ռադիոկայանին ասել է, որ այս կապույտ լույսը բացատրություն չունի, սակայն նշել է, որ ցնցումներից առաջ մթնոլորտի էլեկտրական և մագնիսական դաշտերի փոփոխություն է տեղի ունենում:
Հիշեցնենք՝ Թուրքիայի Աղետների և արտակարգ իրավիճակների կառավարման վարչությունը (AFAD) երկուշաբթի հաղորդել է Հաթայ նահանգում 6,4 և 5,8 մագնիտուդով երեք րոպեանոց երկու երկրաշարժի և տասնյակ հետցնցումների մասին։ Վերջին տվյալներով՝ երեք մարդ է զոհվել , 213-ը՝ վիրավորվել։
Տաթև Ֆռանգյան
