15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Պուտինը հայտարարել է, որ ՌԴ Միջուկային զսպման ուժերի նորագույն համակարգերով համալրման մակարդակն ավելի քան 90% է
Քաղաքականություն
21.02.2023 | 17:01
ՌԴ նախագահ Վլադիմիր Պուտինը, հանդես գալով Դաշնային խորհրդին ուղղված ամենամյա ուղերձով, անդրադարձել է երկրի Զինված ուժերի հագեցվածության թեմային՝ նշելով, որ եթե միջուկային ուժերում ժամանակակից համակարգերն այսօր կազմում են մինչև 90%, ապա մնացածում այս մակարդակն ավելի ցածր է։ Այս առումով խնդիր է դրվել ակտիվացնել նորացման գործընթացը։
«Միջուկային զսպման ուժերի՝ նորագույն համակարգերով զինելու մակարդակը 90 տոկոսից ավելի է։ Հաշվի առնելով մեր ձեռք բերած փորձը, պետք է Զինված ուժերի բոլոր բաղադրիչներում հասնենք նույն բարձր մակարդակին»,- ասել է Պուտինը։
ՌԴ նախագահը նաև հայտարարել է, որ Ռուսաստանում զինվորականների ընտանիքներին աջակցելու պետական հիմնադրամ կստեղծվի։ Այն զբաղվելու է ընտանիքների ֆինանսական աջակցության, զինծառայողների երեխաների կրթության, աշխատանքի տեղավորման և վերապատրաստման հարցերով։
Տաթև Ֆռանգյան
