27.06.2026 | 18:27
Կոշտ քաղաքական խոսույթը ատելության խոսք չէ ու չի կարող արդյունքներն անվավեր ճանաչելու հիմք լինել. Սրբուհի Գալյան․ ՏԵՍԱՆՅՈւԹ
«Արևմուտքն է սկսել պատերազմը, իսկ մենք ուժ ենք կիրառում՝ այն կանգնեցնելու համար»․ Պուտինի ուղերձը Դաշնային խորհրդին
Քաղաքականություն
21.02.2023 | 14:17
ՌԴ նախագահ Վլադիմիր Պուտինը Դաշնային ժողովին ուղղված ուղերձի սկիզբը նվիրել է այն թեզերը կրկնելուն, որոնք օգտագործում էր ամբողջ անցած տարվա ընթացքում։ Նա հայտարարել է, թե, իբր, Վաշինգտոնն է «սկսել պատերազմը» և 2022 թվականի սկզբին Ուկրաինային հորդորել է հարվածել Ղրիմին և Սևաստոպոլին։
Ռուսաստանը, ըստ Պուտինի, «կիրառել և շարունակում է կիրառել ուժ՝ պատերազմը դադարեցնելու համար», որը, իբր, սանձազերծել է Արևմուտքը։
Պուտինը հայտարարել է, որ 1939 թվականին «Արևմուտքը ճանապարհ բացեց» նացիստական Գերմանիայի համար, իսկ հիմա ստեղծում է «հակառուսական» ճանապարհը: Պուտինը նաև հայտարարել է, թե Ուկրաինայում, իբր, զանգվածաբար օգտագործվում են նացիստական ռազմական խորհրդանիշները, իսկ Արևմուտքը «թքած ունի, թե ում վրա պետք է խաղադրույք կատարի Ռուսաստանի դեմ պայքարում. գլխավորն այն է, որ նրանք կռվում են ռուսների դեմ»:
«Արևմուտքում ոչ ոք չի մտածում մարդկային զոհերի մասին, քանի որ վտանգի տակ են տրիլիոնավոր դոլարներ»,- հայտարարել է ՌԴ նախագահը։
Տաթև Ֆռանգյան
