27.06.2026 | 16:23
Քաղաքացիների կամքն այսպիսին է, սա իրողություն է. ԿԸՀ նախագահը` ԲՀԿ-ի քվեների մասին. ՏԵՍԱՆՅՈւԹ
Կրեմլն արձագանքել է Ջո Բայդենի՝ Ուկրաինա կատարած այցին
Քաղաքականություն
21.02.2023 | 14:08
Ռուսաստանն ուշադիր հետևել է ԱՄՆ նախագահ Ջո Բայդենի Ուկրաինա կատարած այցին, հետևելու է նաև Լեհաստանում իրադարձություններին։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոստին։
«Նման իրադարձությունները կարևոր են, բնականաբար, մենք շատ ուշադիր հետևել ենք դրան։ Ուշադիր հետևելու ենք նաև, թե ինչ է լինելու այսօր Լեհաստանում, թեև մեծ հավանականությամբ կարելի է ենթադրել, որ դա կլինի ռուսատյացության կենտրոնացման և զենքի նոր մատակարարումների փոխադարձ համոզմունքի շարունակություն ու լարվածության նոր սրում։ Չեմ կարծում, որ Վլադիմիր Պուտինն անձամբ կհետևի, բնականաբար, մենք հիմնական թեզերը կզեկուցենք նրան»,- ասել է Պեսկովը։
Կրեմլի խոսնակը նաև նշել է, որ Բայդենի այցն Ուկրաինա արտառոց իրադարձություն չէ Մոսկվայի համար, որը կարող է ազդել Ռուսաստանի ներքին գործերի վրա։
«Չեմ կարծում, որ մեզ համար ԱՄՆ նախագահի այցն Ուկրաինա ինչ-որ արտասովոր իրադարձություն է, որը կարող է ազդել մեր ներքին քաղաքականության վրա։ Եկեք, ամեն դեպքում, մնանք ինքնիշխան ու որևէ բանի ուշադրություն չդարձնենք։ Եկեք համարենք, որ մեզ համար գլխավոր առաջնահերթությունը մենք ենք ու մեր օրակարգը»,- հայտարարել է Դմիտրի Պեսկովը։
Էմմա Չոբանյան
