05.11.2024 | 16:41
Վիենի քաղաքապետի գլխավորած պատվիրակությունն այցելել է Սյունիք
Ղարիբաշվիլին հայտարարել է, որ Թբիլիսին պետք է շարունակի առաջ տանել երկրի շահերը
Քաղաքականություն
20.02.2023 | 17:22
Վրաստանի վարչապետ Իրակլի Ղարիբաշվիլին, Մյունխենում անվտանգության համաժողովին այցից հետո ասել է, որ Թբիլիսին պետք է շարունակի առաջ տանել երկրի շահերը, գրում է EADaily-ն։
«Ես Մյունխենում էի, տեսանք, որ իրավիճակը շատ բարդ է, ելք չկա։ Ոչ ոք չգիտի, թե երբ կավարտվի պատերազմն Ուկրաինայում։ Այնպես որ՝ մենք պետք է շարունակենք հետապնդել այն շահերը, որոնք պետք են միայն մեր ժողովրդին և մեր երկրին»,- ասել է Ղարիբաշվիլին։
Վրաստանն ավելի վաղ մերժել էր հակառուսական պատժամիջոցներ սահմանելու՝ արևմտյան երկրների և Ուկրաինայի պահանջները։
Կառավարության այսօրվա նիստում Ղարիբաշվիլին նշել է, որ եթե «այլ քայլեր արվեին, ապա այսօր տնտեսական բարեկեցության մասին խոսք չէր լինի»։
Տաթև Ֆռանգյան
