20.03.2026 | 19:21
Նոր նշանակումներ Քննչական կոմիտեում
Թուրքիայում առաջիկա օրերին նոր երկրաշարժ են կանխատեսում
Քաղաքականություն
17.02.2023 | 18:25
Թուրքիայում ավերիչ երկրաշարժերից տուժած շրջանների բնակիչները պետք է պատրաստվեն նոր հետցնցումների։ Սեյսմոլոգները կանխատեսում են ավելի քան 5 մագնիտուդով կրկնակի ցնցումներ: Այս մասին հայտնել է Թուրքիայի Արտակարգ իրավիճակների ու աղետների վարչության ներկայացուցիչը, գրում է DW-ի ռուսական ծառայությունը։
Այս պահին տարածաշրջանում ցնցումներ են զգացվում չորս րոպեն մեկ։ Մինչ այժմ գրանցվել է ավելի քան 4,700 հետցնցում, որոնցից քառասունը՝ չորս բալից ավելի ուժգնությամբ։
«Սա բավական անսովոր իրավիճակ է»,- ասել է AFAD-ի ներկայացուցիչը։
Երկրի քաղաքաշինության նախարար Մուրադ Քուրումի խոսքով՝ բնական աղետի հետևանքով Թուրքիայում ավերվել կամ մեծ վնաս է կրել ավելի քան 84 հազար տուն։
Աղետի գոտիներում մարդկանց դեռ խորհուրդ է տրվում հեռու մնալ շենքերից, սակայն այլընտրանքի բացակայության դեպքում տեղի բնակիչները ստիպված են լինում տուն վերադառնալ՝ հագուստի և անձնական այլ իրերի համար:
Վերջին տվյալներով՝ Թուրքիայում երկրաշարժից ավելի քան 38,000 մարդ է զոհվել, հետևանքներից 20 մլն մարդ է տուժել։
Էմմա Չոբանյան
