13.12.2024 | 16:07
Բլինքենը հայտարարել է, որ ԱՄՆ-ի և Թուրքիայի միջև ընդհանուր համաձայնության կա Սիրիայում կարգավորման շուրջ
Երևանում մեկնարկել է ԵԽ 2023-2026թթ․ գործողությունների ծրագիրը
16.02.2023 | 21:57
Առողջապահության նախարար Անահիտ Ավանեսյանը ներկա է գտնվել Եվրոպայի խորհրդի 2023-2026թթ․ գործողությունների ծրագրի մեկնարկի արարողությանը։
Առողջապահության նախարարությունը ԵԽ-ի հետ ծրագրերի իրականացման գործում համագործակցող հիմնական դերակատարներից է։
Հայաստանի հետ Եվրոպայի Խորհրդի 2019-2022 թվականների համագործակցության հիմնական ձեռքբերումներին և առաջընթացի ուղիներին նվիրված քննարկմանը Անահիտ Ավանեսյանն անդրադարձել է «Մարդու իրավունքները կենսաբժշկության մեջ» ծրագրին։
Նախարարի խոսքով՝ ծրագիրը նպաստել է բժշկական օգնության ոլորտում մարդու իրավունքների և էթիկական սկզբունքների պահպանմանը։ Արդյունքում՝ ընդունվել են առողջապահության ոլորտի մասնագետների էթիկայի կանոնները, հաստատվել է Էթիկայի հանձնաժողովների մասին նախարարի հրամանը, մշակվել է առողջապահության ոլորտի մասնագետների էթիկայի կանոնների էլեկտրոնային դասընթացը, որին մասնակցել է 5 հազարից ավելի բուժաշխատող, աշխատակազմերն ու հետազոտական էթիկայի հանձնաժողովներն ուժեղացրել են իրավունքի և բիոէթիկայի իրենց կարողությունները։
