16.11.2024 | 16:41
Հայաստանի ազգային հավաքականը մեկնել է Lատվիա
«Չէր կարա շոշի մեջտեղը կանգներ, տեղ ա տվել՝ շարասյունն անցել ա, կանգնել ա». վթարի գործով մեղադրյալի եղբայր․ ՏԵՍԱՆՅՈՒԹ
Հասարակություն
16.02.2023 | 16:47
Երևան քաղաքի ընդհանուր իրավասության դատարանում շարունակվում է ՀՀ վարչապետ Նիկոլ Փաշինյանի շարասյան վթարի հետևանքով մահացած Սոնա Մնացականյանի գործի քննությունը։
Հիշեցնենք՝ 2022 թվականի ապրիլի 26-ին Երևանի Լեո-Պարոնյան փողոցների խաչմերուկում վրաերթ էր տեղի ունեցել, որի հետևանքով մահացել էր 28-ամյա հղի կին՝ Սոնա Մնացականյանը․ մարմնական վնասվածքներով վերջինս տեղափոխվել է «Նաիրի» բժշկական կենտրոն, որտեղ գիտակցության չգալով՝ մահացել է:
Կնոջը «Տոյոտա Պրադո» մակնիշի ավտոմեքենայով վրաերթի ենթարկած ավտոմեքենան վարչապետ Նիկոլ Փաշինյանին ուղեկցող Ճանապարհային ոստիկանության ուղեկցող ծառայության սպայական վաշտից էր, իսկ ղեկին եղել է հրամանատար Արամ Նավասարդյանը։ Վերջինս մեղադրվում է նախկին Քրեական օրենսգրքի երկու հոդվածներով՝ 242-րդ հոդվածի 2-րդ մասով (ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ) և 244-րդ հոդվածի 1-ին մասով՝ (ճանապարհատրանսպորտային պատահարի վայրը թողնելը)։
Նշենք, որ գործով ամբաստանյալ Արամ Նավասարյանն ազատության մեջ է:
«Չէր կարա շոշի մեջտեղը կանգներ, տեղ ա տվել՝ շարասյունն անցել ա, կանգնել ա»,- դատարանում նշեց վթարի գործով մեղադրյալի եղբայրը։
Մանրամասները՝ տեսանյութում։
