08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Գերմանիան դեմ է «Ռոսատոմ»-ի կողմից Թուրքիայում կառուցվող ԱԷԿ-ի համար սարքավորումներ ուղարկելուն
Քաղաքականություն
16.02.2023 | 22:40
Գերմանիայի իշխանությունները Siemens Energy-ին թույլտվություն չեն տրամադրել «Ռոսատոմ»-ի կողմից Թուրքիայում կառուցվող «Աքքույու» ատոմակայանի էլեկտրասարքավորումների մատակարարման համար։ Այս մասին գրում է «Կոմերսանտ»-ը՝ հղում անելով սեփական աղբյուրներին։
Գործակալության զրուցակիցների խոսքով՝ Գերմանիայի Էկոնոմիկայի և արտահանման վերահսկողության դաշնային գերատեսչությունը Siemens-ին չի տրամադրել բոլոր անհրաժեշտ թույլտվությունները՝ ամբողջական բաշխիչ սարքերի մատակարարման, այդ թվում՝ փաստաթղթերի արտահանման համար՝ վախենալով, որ սարքավորումները կհայտնվեն Ռուսաստանում, թեև դրանք արտադրվել են կոնկրետ օբյեկտի համար։
Ներկայում թուրքական իշխանությունները բանակցություններ են վարում Գերմանիայի հետ՝ պարզելու համար, թե ինչ պայմաններով դեռ կթույլատրվի սարքավորումները մատակարարել կառուցվող ատոմակայանին։
«Ռոսատոմ»-ի նախագծային ընկերությունից՝ Akkuyu Nuclear-ից «Կոմերսանտ»-ին հայտնել են, որ սարքավորումների մատակարարման դադարեցման մասին որևէ պաշտոնական ծանուցում չեն ստացել՝ հավելելով, որ Siemens Energy-ն կատարում է իր պայմանագրային պարտավորությունները:
Գերմանիայի իշխանությունները և Siemens Energy-ն այս ամենը չեն մեկնաբանել։
Տաթև Ֆռանգյան
