07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ՊԵԿ-ը դիմել է, որպեսզի ապօրինի ներխուժումը վերացնենք․ ոստիկան․ ՏԵՍԱՆՅՈՒԹ
Հասարակություն
16.02.2023 | 16:31
Այսօր վաղ առավոտից ՊՆ նախկին շենքի մոտ լարված իրավիճակ էր: Ոստիկանները դուրս հանեցին այդ շենքում տարիներ շարունակ բնակություն հաստատած քաղաքացիներին:
Ոստիկանությունն այսօր իրականացրել է գործողություն, որը հիմնված է եղել ՀՀ կառավարության 707 որոշման և ՊԵԿ-ի կողմից տրամադրած գրության հիման վրա, որը մի խումբ անձանց ապօրինի ներխուժումը վերացնելու պահանջ է։ Այս մասին լրագրողների հետ զրույցում նշեց ՀՀ ներքին գործերի նախարարության ոստիկանության հասարակական կարգի ապահովման գլխավոր վարչության պետի տեղակալ Գևորգ Ազիզյանը։
Նա ընդգծեց, որ ոստիկանները չեն ներխուժել շենք, այլ ներխուժումն են վերացրել։
«Բնակիչները նախապես պարբերաբար զգուշացվել են, ողջամիտ ժամանակ է տրվել դեռևս անցած տարի, որից հետո այս տարվա հունվարի 31–ին տրվել է ժամկետ, փետրվարի 12–ին լրացել է ժամկետը։ Նախապես իրազեկել ենք նաև աշխատանքի և սոցիալական հարցերի նախարարության սոցիալական ծառայությանը, և նրանք իրենց գործառույթն իրականացնում են»,- ասաց Ազիզյանը։
ՆԳՆ ոստիկանության հասարակական կարգի ապահովման գլխավոր վարչության պետի տեղակալի խոսքով՝ ապօրինի ներխուժումը վերացնելու գործընթացից հետո ապաօրինի գույքի դուրս բերման գործընթաց է սկսվում․ «Մենք քաղաքացիներին դուրս ենք բերել տարածքից, հիմա սահմանված ժամկետում իրենց գույքը դուրս բերելու հնարավորություն ենք տալիս»։
Մանրամասները՝ տեսանյութում։
