27.06.2026 | 15:22
Ռաիսա Մկրտչյանի մահվան կապակցությամբ ստեղծվել է թաղման հանձնաժողով
Ասում են՝ իրավունք չունեք ներս մտնել, պետական է․ դռները կոտրել, բոլորին դուրս են հանել․ բնակիչ․ ՏԵՍԱՆՅՈՒԹ
Հասարակություն
16.02.2023 | 16:09
Այսօր վաղ առավոտից ՊՆ նախկին շենքի մոտ լարված իրավիճակ էր: Ոստիկանները դուրս հանեցին այդ շենքում տարիներ շարունակ բնակություն հաստատած քաղաքացիներին:
«Երեխային դպրոց էի տարել, եկա, ոստիկանները չթողեցին տուն մտնեմ, ասում են՝ սա քո տունը չէ, պետական է։
Դուռը կոտրել էին, մտել տուն, իմ ամուսնուն բերման ենթարկել։
Դռները կոտրել, բոլորին դուրս են հանել։ Ոստիկանները մեզ հորդորում են դիմել Միասնական սոցիալական ծառայություն։
Երկու շաբաթ առաջ սոցբաժնից ներկայացուցիչներ էին եկել, իմ կարգավիճակը տեսնելով, և իմանալով, որ ես զոհված զինծառայողի մայր եմ, թղթերը վերցրել․ գնացել են։ Այսօր ինձ տնից հանում են»,- Factor.am-հետ զրույցում նշեց բնակիչներից մեկը՝ տիկին Ասյան։
Նշենք, որ կառավարությունը 2022 թվականի մայիսին Երևան-Աշտարակ մայրուղու վրա գտնվող ՊՆ նախկին վարչական համալիրի շենքը փոխանցել է Հայաստանի պետական եկամուտների կոմիտեի հաշվեկշռին։
Աշխատանքի և սոցիալական հարցերի նախարարությունը հաղորդագրություն է տարածել, ըստ որի՝ իր լիազորությունների շրջանակում անհրաժեշտ աշխատանքներ է իրականացնում՝ ՊՆ նախկին շենքի բնակիչներին ժամանակավոր կեցության ապահովման ուղղությամբ։
Մանրամասները՝ տեսանյութում։
