27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Զելենսկին շնորհակալություն է հայտնել Ալիևին Ուկրաինային հետևողական աջակցության համար
Քաղաքականություն
16.02.2023 | 22:08
Ուկրաինայի նախագահ Վլադիմիր Զելենսկին և Ադրբեջանի նախագահ Իլհամ Ալիևը հեռախոսազրույցի ընթացքում քննարկել են համագործակցությունը միջազգային հարթակներում։ Այս մասին Զելենսկին գրել է Twitter-ում։
«Հեռախոսազրույց եմ ունեցել Ադրբեջանի նախագահի հետ։ Շնորհակալություն եմ հայտնել Ուկրաինայի ինքնիշխանությանն ու տարածքային ամբողջականությանը Ադրբեջանի հետևողական աջակցության, ինչպես նաև մարդասիրական օգնության համար։ Մենք քննարկել ենք համագործակցությունը միջազգային հարթակներում»,- ասվում է Ուկրաինայի նախագահի գրառման մեջ։
Հավելենք, որ Ադրբեջանը հունվարին Ուկրաինային է փոխանցել էներգատեխնիկայի երկու խմբաքանակ, այդ թվում՝ մեծ հզորությամբ պահեստային էլեկտրակայաններ և ուժային տրանսֆորմատորներ։ Ուկրաինական պատերազմի հետ կապված Ադրբեջանի կողմից տրամադրված մարդասիրական օգնության ընդհանուր ծավալն արդեն մոտեցել է 30 միլիոն մանաթին (17,5 միլիոն ԱՄՆ դոլարի)։
Վերջին 6 ամիսների ընթացքում ադրբեջանական տարբեր կազմակերպություններ մարդասիրական օգնություն են ցուցաբերել Ուկրաինայի բնակչությանը։ Պատերազմից տուժած 90 ուկրաինացի երեխաներ են բերվել Ադրբեջան՝ բժշկական և սոցիալ-հոգեբանական վերականգնման նպատակով։
Իրպեն քաղաքի՝ Զարիֆա Ալիևայի անունը կրող թիվ 12 դպրոցը, որն ավերվել էր ռազմական գործողությունների հետևանքով, ամբողջությամբ վերականգնվել է, իրականացվել են մարդասիրական օգնության տարբեր միջոցառումներ։
Տաթև Ֆռանգյան
