02.04.2026 | 15:47
ՄԻՊ ներկայացուցիչներն այցելել են «Արմավիր» ՔԿՀ՝ տեսակցելու Դավիթ Մինասյանին
Եղեք համարձակ ու նորարար, ունեցեք սեփական տեսակետ, պաշտպանեք դրանք և պայքարեք անարդարությունների դեմ. Թաներ Աքչամը՝ հայ շրջանավարտներին
Հասարակություն
18.06.2018 | 16:03
Դպրոցի ավարտական միջոցառմանն այս տարի ներկա են գտնվել ու շրջանավարտներին բարի երթ մաղթել կրթության և գիտության նախարար Արայիկ Հարությունյանը և նախարարի տեղակալ Հովհաննես Հովհաննիսյանը. տեղեկացնում է նախարարության լրատվական ծառայությունը:
Միջոցառումն իրենց ներկայությամբ պատվել են նաև դպրոցի բարերարներ Էդվար և Փամելա Ավետիսյանները, արտասահմանից ժամանած մի շարք հյուրեր, հոգաբարձուների խորհրդի անդամներ:
Ավարտական միջոցառման գլխավոր բանախոսը` նշանավոր պատմաբան Թաներ Աքչամը, իր ողջույնի խոսքում աշակերտներին հորդորել է համարձակ ու նորարար լինել, ունենալ սեփական տեսակետ, պաշտպանել դրանք և պայքարել անարդարությունների դեմ: Աքչամը առաջին թուրք գիտնականներից է, որը ճանաչել և բացահայտ քննադատել է հայոց ցեղասպանությունը:
Միջոցառման ավարտին աշակերտներին հանդիսավորությամբ հանձնվել են դպրոցի ավարտական վկայականները:
