26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Որոշումն ընդունվեց․ վաղն Ազգային ժողովը կորոշի՝ Մանվել Գրիգորյանին զրկե՞լ պատգամավորական մանդատից, թե՝ ոչ
Քաղաքականություն
18.06.2018 | 13:47
Կառավարության այսօրվա արտահերթ նիստում ՀՀ վարչապետ Նիկոլ Փաշինյանը խնդրեց արդարադատության նախարարի տեղակալ Արթուր Հովհաննիսյանին ներկայացնել այն իրավական կարգավորումը, որով առաջարկվում է գումարել Ազգային ժողովի արտահերթ նիստ, որպեսզի հասարակությունը ևս մեկ անգամ համոզվի, որ Կառավարությունը գործում է միայն ու միայն օրենքի դաշտում։
Փոխնախարարը նկատեց, որ սահմանադրականության պահպանմամբ՝ ԱԺ-ն կարող է արտահերթ նիստ գումարել, երբ կա հրատապ լուծում պահանջող հարց և այստեղ օրենքի խախտում չկա։
ՀՀ գլխավոր դատախազ Արթուր Դավթյանն էլ նկատեց, որ, ըստ ԱԺ կանոնակարգ օրենքի և ձեռք բերված հիքմերի, ամբողջապես օրինական է հրավիրել արտահերթ նիստ՝ պատգամավորին անձեռնմխելիությունից զրկելու հարցով:
«Քրեական գործով ձեռք բերված հիմքները տալիս են հնարավորություն՝ նախաձեռնել արտահերթ նիստ՝ խնդրի լուծումն ապահովելու համար։ ԱԺ կանոնակարգ օրենքը ունի մեկ այլ կարգավորում, ըստ որի, կարելի է արտահերթ նիստ գումարել նաև ոչ աշխատանքային օրը»,- ասաց Գլխավոր դատախազը։
Կառավարությունը կողմ քվեարկեց Ազգային ժողովի արտահերթ նիստ գումարելու հարցին և վաղը Ազգային ժողովը կորոշի՝ զրկե՞լ Մանվել Գրիգորյանին պատգամավորական մանդատից, թե՝ ոչ:
Մանրամասները՝ տեսանյութում։
