12.04.2026 | 16:28
Արթուր Ավետիսյանը մարմնամարզության աշխարհի գավաթի խաղարկությունում դարձել է բացարձակ գավաթակիր
Բացառե՛նք 3-րդ ուժը՝ թուրքերի հետ խոսելիս․ մեծ ողբերգության հասանք՝ զգացմունքային հայրենասիրությամբ․ Միքայել Հայրապետյան․ ՏԵՍԱՆՅՈՒԹ
Քաղաքականություն
13.02.2023 | 21:32
Հայաստանից Թուրքիա ուղարկված փրկարարներն արդեն կյանքեր են փրկել՝ երեխաների, կանանց դուրս բերել փլատակներից։ Նրանք աշխատում են Ադըյամանում։ Բացի այդ՝ ՀՀ-ն 100 տոննա հումանիտար բեռ ուղարկեց Թուրքիա Մարգարայի կամրջով, որը վերջին անգամ գործել է 1993 թվականին։ Այն ժամանակ էլ Թուրքիան էր թույլատրել 50 հազար տոննա ցորենի ներկրումը պատերազմող և գրեթե կատարյալ բլոկադայի մեջ գտնվող Հայաստան։
Ամեն դեպքում՝ նաև քննադատություններ են հնչում, թե որքանո՞վ է արդարացված ՀՀ իշխանության որոշումը՝ ուղարկել բեռ մի պետության, որը 108 տարի առաջ Ցեղասպանություն է գործել և վերջին 44-օրյա պատերազմում աջակցել Ադրբեջանին։ Քննադատները հարց են տալիս՝ այս ամենով հանդերձ՝ ինչո՞ւ մարդասերի դեր կատարենք։
Factor TV-ին տված հարցազրույցում հանրային գործիչ Միքայել Հայրապետյանը պատասխանում է, որ ՀՀ-ն լավ կլիներ՝ հենց մարդասերի դեր կատարեր, և պետք է տարանջատել պետությունը համայնքի կարգավիճակից։
«Մենք վերջապես համայնքային մտածողությունից պիտի կարողանա՞նք դուրս գալ։ Մենք պետություն ենք, կան չգրված օրենքներ, և մենք պարտավոր ենք մեզ որպես պետություն դրսևորել։ Չե՞ն ուզում, թող որպես ՀԿ-ներ ու անհատ անձինք որևէ մարդասիրական քայլ չանեն՝ հիշելով այդ բոլոր դժբախտ դեպքերը։ Այլապես պետությունը պարտավոր է դա անել, թե չէ՝ չենք ընկալվի որպես պետություն, այլ կընկալվենք որպես սովորական համայնք՝ «խալխ», ցածրակարգ մի բան»,- նշեց Միքայել Հայրապետյանը։
Հարցազրույցն ամբողջությամբ՝ տեսանյութում։
Ռոբերտ Անանյան
