08.08.2026 | 12:34
Փաշինյանն ու Ալիևը հեռախոսազրույց են ունեցել
Էջմիածնի քաղաքապետ Կարեն Գրիգորյանը հրաժարական տվեց
18.06.2018 | 01:43
Էջմիածնի քաղաքապետ Կարեն Գրիգորյանը քիչ առաջ ֆեյսբուքում գրառում է կատարել՝ տեղեկացնելով, որ հրաժարական է տալիս.«Ես՝ Կարեն Գրիգորյանս, տալիս եմ իմ հրաժարականը՝ իմ կամքով»,- գրել է Գրիգորյանը:
Հիշեցնենք, որ Էջմիածնում վերջին օրերին բողոքի ցույցեր էին ընդդեմ քաղաքապետի, իսկ նրա հայրը՝ ԱԺ պատգամավոր Մանվել Գրիգորյանը նախօրեին ձերբակալվել է:
Ազգային Անվտանգության ծառայության հաղորդագրության համաձայն, իրականացված օպերատիվ-հետախուզական միջոցառումների արդյունքում տվյալներ էին ստացվել այն մասին, որ ՀՀ ԱԺ պատգամավոր, ԵԿՄ նախագահ Մանվել Գրիգորյանն այլ անձանց հետ նախնական համաձայնությամբ ապօրինի կերպով ձեռք է բերել և պահում է զենք և ռազմամթերք:
«Դեպքի առթիվ ՀՀ ԱԱԾ քննչական վարչությունում հարուցվել է քրեական գործ` ՀՀ քրեական օրենսգրքի 235-րդ հոդվածի 2-րդ մասի հատկանիշներով: Գործի շրջանակներում խուզարկություններ են իրականացվել Մանվել Գրիգորյանի տանը, ամառանոցում և նրան պատկանող այլ տարածքներում: Հայտնաբերվել է ապօրինի կերպով պահվող մեծ թվով զենք և ռազմամթերք», – ասված էր ԱԱԾ հաղորդագրությունում:
