07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Դոնֆրիդը Բայրամովի հետ քննարկել է Լաչինի միջանցքի շուրջ իրավիճակը
Քաղաքականություն
10.02.2023 | 11:37
ԱՄՆ պետքարտուղարի Եվրոպայի ու Եվրասիայի հարցերով տեղակալ Քերըն Դոնֆրիդը հեռախոսազրույց է ունեցել Ադրբեջանի ԱԳ նախարար Ջեյհուն Բայրամովի հետ։ Ըստ Ադրբեջանի ԱԳՆ-ի ՝ կողմերը քննարկել են երկու երկրների միջև երկկողմ հարաբերությունների ընթացիկ օրակարգը, տարածաշրջանում տիրող իրավիճակը, Ադրբեջանի և Հայաստանի միջև խաղաղության գործընթացը։
Կողմերը քննարկել են նաև Բաքվի կողմից Լաչինի միջանցքի արգելափակումը․ Բայրամովը Դոնֆրիդին, ըստ ադրբեջանական կողմի, ներկայացրել է «Լաչինի ճանապարհին բողոքի ակցիայի օրինականության և ցուցարարների պահանջների կատարման անհրաժեշտության մասին» տեղեկություններ։ Ինչպես միշտ Բաքուն շարունակել է պնդել, որ Արցախում «շրջափակում» և «հումանիտար ճգնաժամ չկա»։ Բացի այդ ադրբեջանական կողմը շարունակում է անհիմն մեղադրանքներ հնչեցնել Հայաստանի հասցեին։
«Չնայած տարածաշրջանում խաղաղություն և կայունություն ապահովելու Ադրբեջանի առաջարկներին, ևս մեկ անգամ ուշադրություն է դարձվել խաղաղության համաձայնագրի բանակցություններում հայկական կողմի հարուցած խոչընդոտներին, այնպիսի պարտավորությունների կոպիտ խախտմանը, ինչպիսին է Հայաստանի զինված ուժերի ամբողջական դուրսբերումը Ադրբեջանի տարածքից․ ռազմական սադրանքների և անօրինական տնտեսական գործունեության շարունակությունը»,-ասվում է հաղորդագրության մեջ։
Հավելենք, որ Բաքուն արդեն 60 օր փակ է պահում Լաչինի միջանցքը՝ խորացնելով Արցախում հումանիտար ճգնաժամը։
Էմմա Չոբանյան
