26.07.2026 | 17:48
Բախվել են երկու ջրային սկուտեր․ ջրափրկարարները քաղաքացիներին դուրս են բերել լճից
Արայիկ Հարությունյանի Մոսկվա մեկնելու տեղեկությունը Արցախից ոչ հերքում են, ոչ հաստատում
Քաղաքականություն
09.02.2023 | 21:23
Մի քանի օր է` լրատվամիջոցներում տեղեկություններ են շրջանառվում, որ երկու ամիս շրջափակման մեջ գտնվող Արցախի բարձրագույն ղեկավար կազմի ներկայացուցիչները մեկնել են Մոսկվա։ Խոսքը, մասնավորապես, նախագահ Արայիկ Հարությունյանի և պետնախարար Ռուբեն Վարդանյանի մասին է։
Արցախի իշխանություններին մոտ կանգնած աղբյուրներից մեկը Factor.am-ի հետ զրույցում հաստատեց այս տեղեկությունները` մանրամասնելով, որ Արայիկ Հարությունյանը գնացել և վերադարձել է, իսկ Ռուբեն Վարդանյանը դեռ այնտեղ է։ Թե որն է եղել այցի նպատակը և ինչ շրջանակների հետ են հանդիպել արցախցի պաշտոնյաները` անհայտ է։
Արցախի նախագահի աշխատակազմից այս տեղեկությունները ոչ հաստատում են և ոչ էլ հերքում են։ Նշում են, որ տեղեկությունները չեն մեկնաբանում։
Նարեկ Կիրակոսյան
