09.09.2026 | 16:19
Չխոշորացված համայնքը մի խոշորացրեք ու որևէ մարդու հագով մի կարեք համայնքի ղեկավարի պաշտոնը․ Մամիկոն Ասլանյան․ ՏԵՍԱՆՅՈւԹ
«Գորշ գայլերի» անդամներ կան Լաչինի միջանցքը փակած «բնապահպանների» մեջ․ Թուրքիայից դրական մոտեցում ակնկալելն անիմաստ է․ Բագրատ Էստուկյան․ ՏԵՍԱՆՅՈՒԹ
Քաղաքականություն
09.02.2023 | 21:30
Թուրքիան և Ադրբեջանը միասին գործող երկրներ են, ցանկացած առիթով հայտարարում են՝ «մենք երկու պետություն՝ մեկ ազգ ենք»։ Հետևաբար՝ անիմաստ է Թուրքիայից դրական մոտեցում ակնկալել Արցախի մեկուսացման ռազմավարության դեմ։ Factor TV-ի հետ զրույցում այս մասին ասաց Ստամբուլում լույս տեսնող «Ակոս» պարբերականի հայկական բաժնի խմբագիր Բագրատ Էստուկյանը՝ անդրադառնալով հարցին, որ Թուրքիան, ցանկության դեպքում, կարող է Ադրբեջանին հորդորել կամ ստիպել՝ զերծ մնալ Արցախը շրջափակման մեջ պահելու քաղաքականությունից։
«Միգուցե, այդ ռազմավարությունը նաև մշակվել է Թուրքիայի գործիչների կողմից, միասնաբար են մշակել, դա էլ բացառված չէ։ Վերջապես, մենք գիտենք, որ Լաչինի միջանցքը փակ պահող «բնապահպանների» մեջ Թուրքիայից գնացած «Գորշ գայլեր» կազմակերպության անդամներ էլ կան, որոնք չեն թաքցնում այնտեղ իրենց գոյությունը»,- ասաց Բագրատ Էստուկյանը։
Նա, սակայն, հորդորեց զերծ մնալ քննադատություններից՝ կապված այս իրավիճակում Թուրքիա հայ փրկարարների ջոկատ ուղարկելու հետ։
Մանրամասները՝ տեսանյութում։
