Հասարակություն
08.02.2023 | 18:09Ազգային ժողով-Կառավարություն հարցուպատասխանի ժամանակ վարչապետ Նիկոլ Փաշինյանը, պատասխանելով Սիսակ Գաբրիելյանի հարցին, թե արդյոք ուսումնասիրվել է Թրանսփարենսի հակակոռուպցիոն հանձնաժողովի հրապարակած կոռուպցիայի համաթիվը, նշել է. «Շատ մտահոգված եմ այդ տվյալով, և իմ վերաբերմունքն ամենևին այնպես չէ, թե այդտեղ վիճակագրության սխալ կա»: Նա հավելել է, որ այդ թեմայով մի քանի քննարկում եղել է ու առաջիկայում ևս նախատեսվում է:
Վարչապետն ընդգծել է, որ տեղի է ունենալու նաև Հակակոռուպցիոն քաղաքականության խորհրդի արտագնա նիստը: Գործադիրի ղեկավարը փաստել է` այն հանգամանքը, որ մենք հակակոռուպցիոն քաղաքականության միջազգային վարկանիշներում թեկուզ փոքր հետընթաց ենք արձանագրում, բացարձակապես անընդունելի է:
Նշենք, որ 2022-ին կոռուպցիայի ընկալման համաթիվը, ըստ «Թրանսփարենսի ինթերնեշնլ» միջազգային կազմակերպության հրապարակած տվյալների, նվազել է երեք միավորով։
Մանրամասները` տեսանյութում:
