24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Փլատակների տակ ավելի շատ մարդ կա, քան դրանց վրա․ Թուրքիայում որոնողափրկարարական աշխատանքները շարունակվում են
Քաղաքականություն
08.02.2023 | 18:41
Թուրքիայում փլատակների տակ շարունակում են ողջ մնացածների գտնել. Հաթայ նահանգում երկրաշարժից 29 ժամ անց ավերված տան փլատակների տակից երկու ամսական երեխայի են փրկել, գրում է Euronews-ը։
Չնայած ողջ մնացածների գտնելու շանսերը ժամ առ ժամ նվազում են, ավելի քան 79,000 որոնողափրկարարական խմբեր եղանակային վատ պայմաններում աշխատում են տուժած շրջաններում:
Նրանցից մեկը Մալաթիայում փրկել է 62-ամյա Էրոլ Հանջին։ Նրա ընտանիքի մյուս անդամներն ավելի վաղ էին դուրս բերվել: Ընդհանուր առմամբ, երկրաշարժի պահին տանը 7 մարդ է եղել։ Մի քանի ժամ նրանք փլատակների տակ կապ են պահպանել միմյանց հետ։
Օգնություն ստանալուց հուսահատված՝ բնակիչներն իրենց անհետ կորած հարազատներին սեփական ուժերով են փնտրում։ Որոշներին դա հաջողվում է, և քանի դեռ հատուկ սարքավորումներով մասնագետները չեն ժամանել, նրանք ինքնուրույն են որոնում փլատակների տակ անհետ կորածներին։
Euronews-ը հաղորդում է, որ այս պահին առաջնահերթությունը տրվում է ողջերին, այդ պատճառով սգի ժամանակ չկա։
«Այժմ փլատակների տակ ավելի շատ մարդ կա, քան դրանց վրա»,- ասել է փրկվածներից մեկը։
A 2-month-old baby was rescued alive from the #earthquake rubble in Türkiye’s Hatay province#TurkiyeQuakes pic.twitter.com/4lhW3IvYtc
— TRT World (@trtworld) February 7, 2023
Տաթև Ֆռանգյան
