15.01.2025 | 20:42
Լեհաստանը նախատեսում է ԵՄ-ում իր նախագահության ընթացքում արագացնել կառույցին Ուկրաինայի անդամակցության գործընթացը
Թուրքիայում երկրաշարժի գոտում բազմաթիվ օտարերկրացիներ են անհետ կորել
Քաղաքականություն
08.02.2023 | 17:08
Մեծ Բրիտանիան, Ավստրալիան, Իտալիան և Նիդեռլանդները հայտարարել են, որ Թուրքիայում երկրաշարժի գոտում անհետ կորած քաղաքացիներ ունեն։ Ավստրալիայի ԱԳ նախարարությունը հայտնել է, որ իրենք տեղեկություն չունեն երկրի չորս քաղաքացիների մասին, որոնք եղել են երկրաշարժերի տարածաշրջանում, հաղորդում է Gercek-ը:
Ավստրալիայի վարչապետ Էնթոնի Ալբենեզեն հայտարարել է, որ 72 անձնակազմ կուղարկվի Թուրքիա՝ տեղական իշխանություններին աջակցելու համար։
Մեծ Բրիտանիայի արտաքին գործերի նախարար Ջեյմս Քլևերլին էլ հայտարարել է, որ երկրաշարժի գոտում անհետ կորել են Բրիտանիայի երեք քաղաքացիներ։
Իտալիայի փոխվարչապետ, արտաքին գործերի նախարար Անտոնիո Տայանին էլ հայտնել է, որ Թուրքիայում երկրաշարժի գոտում չեն կարողացել կապ հաստատել Իտալիայի մեկ քաղաքացու հետ։
Նիդեռլանդների ԱԳՆ-ն տեղեկություն է ստացել երկրաշարժերի գոտում երկրի առնվազն վեց քաղաքացիներ անհետ կորելու մասին։
Հավելենք, որ Թուրքիայում փետրվարի 6-ի հզոր երկրաշարժից հետո երրորդ օրն է՝ որոնողափրկարարական աշխատանքները շարունակվում են։ Ցնցումներ են գրանցվել նաև երեկ և այսօր։
Էմմա Չոբանյան
