28.04.2026 | 16:29
«Ձեր հարազատը վտանգի մեջ է»․ IDBank-ը զգուշացնում է հեռախոսային շանտաժի ագրեսիվ ալիքի մասին
Արցախում դասերը դադարեցվել են, գազ չկա․ Փաշինյանը Լաչինի հարցով զրուցել է Մակրոնի հետ․ Լուրեր
Քաղաքականություն
07.02.2023 | 12:36
- Թուրք-սիրիական սահմանին երկրաշարժի հետևանքով զոհվածների թիվը անցել է 4000-ը։ Թուրքական կողմը հայտնել է 2921 զոհվածների դիերի հայտնաբերման մասին։ Սիրիայում էլ հայտնել են 1500 հաստատված զոհերի մասին։ Երկու երկրներում զոհվածների թվում եղել են նաև ազգությամբ հայեր։ Երկու երկրներում էլ շարունակվում են որոնողափրկարարական աշխատանքները։ Թուրքիայում դրանց միացել են նաև այլ երկրների ներկայացուցիչներ, Սիրիայում փրկարարների պակաս կա։
- Ադրբեջանի կողմից Հայաստանից դեպի Արցախ գազամատակարարման խափանման պատճառով այսօրվանից ժամանակավորապես դադարեցվել է Արցախում գազով ջեռուցվող հանրակրթական դպրոցների նախադպրոցական խմբերի և 1-8-րդ դասարանների, արտադպրոցական (երաժշտական և արվեստի դպրոցներ, մանկապատանեկան ստեղծագործական կենտրոններ) ու նախնական (արհեստագործական) և միջին մասնագիտական ուսումնական հաստատությունների դասագործընթացը։ Այդ դպրոցների 9-12-րդ դասարանների աշակերտներն ուսումնական պարապմունքները կշարունակեն համարժեք այլ պայմաններում։
- Վարչապետ Նիկոլ Փաշինյանը երեկ հեռախոսազրույց է ունեցել Ֆրանսիայի նախագահ Էմանուել Մակրոնի հետ: Զրուցակիցները քննարկել են Ադրբեջանի կողմից Լաչինի միջանցքի արգելափակման հետևանքով Լեռնային Ղարաբաղում ստեղծված հումանիտար ծանր իրավիճակը: Մակրոնն ընդգծել է Լաչինի միջանցքի անխափան գործունեության կարևորությունը և նշել Ֆրանսիայի պատրաստակամությունը՝ շարունակելու նպաստել այդ խնդրի լուծմանը: Զրուցակիցները մտքեր են փոխանակել Հայաստանի ու Ադրբեջանի միջև հարաբերությունների կարգավորման, ԼՂ ժողովրդի իրավունքների պաշտպանության և անվտանգության, Հայաստանում ԵՄ քաղաքացիական առաքելության գործունեության շուրջ:
Այս ժամի լուրերը՝ տեսանյութում։
