30.11.2024 | 01:27
ՀՀ-ն հետ է կանչել Սիրիայում հումանիտար ականազերծման և բուժաշխատողների մասնագիտական խմբի ողջ անձնակազմին
Էրդողանը առաջիկա ընտրությունները համարում է բեկումնային ու ամբողջովին կենտրոնացած է դրանց վրա․ Hurriyet
Քաղաքականություն
04.02.2023 | 11:02
Թուրքական Hurriyet պարբերականի իշխանական շրջանակներին մերձավոր սյունակագիր Աբդուլքադիր Սելվին հրապարակում է արել երկրի նախագահ Ռեջեփ Թայիփ Էրդողանի TRT հեռուստալիքին տված հարցազրույցի վերաբերյալ, որին մասնակցել է նաև ինքը։ Նա ներկայացրել է զրույցից չհրապարակված կողմն ու իր տպավորությունները։
Մասնավորապես, Սելվին նշում է, որ Էրդողանը կենտրոնացած է առաջիկա ընտրությունների վրա։
«Նա ամբողջությամբ կենտրոնացած է ընտրությունների վրա։ Նա մայիսի 14-ը համարում է Թուրքիայի ապագա տեսլականի բեկումնային կետ: Թուրքիան կա՛մ կասի՝ լավ, կա՛մ կշարունակի։ Դրա համար նա այդքան շատ է աշխատում»,- գրում է Սելվին՝ նշելով, որ ընդդիմությունը իր թեկնածուին դեռ չի որոշել, սակայն Էրդողանը արդեն այցելել է 66 նահանգ ու հանդիպումներ անցկացրել երիտասարդների ու կանանց հետ։
Ըստ Սելվիի՝ «ժամանակն է սովորել ընտրություններում հաղթելու Էրդողանի արվեստը»:
«Էրդողանը ցանկանում է իր առաջնորդությունը պահպանել՝ հաղթելով 2023թ-ի ընտրություններում։ Ես տեսա Էրդողանին բարձր տրամադրությամբ, ասես հաղթել էր ընտրություններում»,- գրում է սյունակագիրը։
Հավելենք, որ Թուրքիայում նախագահական ու խորհրդարանական ընտրությունները, ամենայն հավանականությամբ, անցկացվելու են մայիսի 14-ին, ինչպես հայտարարել էր Էրդողանը։
Էմմա Չոբանյան
