11.04.2026 | 18:39
Հայաստանի անվտանգությունն ուժեղանալու է, հաստատվելու է ուժեղ խաղաղություն․ Արթուր Ավանեսյան․ ՏԵՍԱՆՅՈւԹ
ԱՄՆ-ի երկնքում հետախուզական օդապարիկ է նկատվել. իշխանությունները կարծում են, որ այն Չինաստանից է
Քաղաքականություն
03.02.2023 | 11:33
ԱՄՆ իշխանությունները երկրի հյուսիսային մասում նկատել են հետախուզական օդապարիկ և այժմ ուշադիր հետևում են դրան։ Պենտագոնը կարծում է, որ օդապարիկը պատկանում է Չինաստանին, գրում է BBC-ն:
«ԱՄՆ կառավարությունը հայտնաբերել և հետևում է հետախուզական օդապարիկի, որը ներկայումս թռչում է ԱՄՆ-ի մայրցամաքի վրայով», – հայտնել են ռազմական գերատեսչությունից:
Ամերիկյան լրատվամիջոցների փոխանցմամբ՝ Պենտագոնը կասկած չունի, որ օդապարիկը չինական է։ ԱՄՆ իշխանությունները օբյեկտի վերաբերյալ հարցում են ուղարկել Չինաստան, սակայն այն չեն խոցել՝ մեծ չափերի պատճառով։
«Ես ճշգրիտ չափեր չեմ ասի: Մեր գնահատականների համաձայն՝ այն բավականաչափ մեծ է, ու հնարավոր է բեկորները վնաս հասցնեն, եթե մենք այն խոցենք», – ասել է Պենտագոնի խոսնակը: «Կան տեղեկություններ, որ օդաչուները տեսել են այն, թեև բավականին բարձր է գտնվում»։
Հաղորդվում է, որ օդապարիկը սպառնալիք չի հանդիսանում քաղաքացիական ավիացիայի համար։
«Օդապարիկն այժմ վաելի բարձր է շարժվում, քան իրականացվում են կոմերցիոն ավիափոխադրումները և որևէ սպառնալիք չի հանդիսանում»,- հայտարարել է Պենտագոնի մամուլի քարտուղար Պատրիկ Ռայդերը։
Նրա խոսքով՝ նման դեպք արդեն տեղի է ունեցել վերջին տարիներին։
NBC-ի փոխանցմամբ՝ չորեքշաբթի օրը տեղի է ունեցել ԱՄՆ ռազմական հրամանատարության հանդիպումը՝ քննարկելու միջադեպը և հնարավոր արձագանքները։ ԱՄՆ նախագահ Ջո Բայդենը տեղեկացվել է օդապարիկի հայտնաբերման մասին։
NBC-ի աղբյուրները նշում են, որ օբյեկտի հայտնաբերումից հետո ավիացիան օդ է բարձրացվել, այդ թվում՝ հինգերորդ սերնդի F-22 Raptor կործանիչները, ինչպես նաև ռադիոլոկացիոն հայտնաբերման ինքնաթիռ։
Չինաստանը դեռևս չի մեկնաբանել միջադեպը:
Տաթև Ֆռանգյան
