12.01.2025 | 13:20
Երկրաշարժ՝ Վրաստանում
Անկարան ԱՄՆ-ին ու Արևմուտքին մեղադրել է Թուրքիայում ահաբեկչության հովանավորման մեջ
Քաղաքականություն
02.02.2023 | 14:00
Թուրքիայի ներքին գործերի նախարար Սուլեյման Սոյլուն ահաբեկչական հարձակումների սպառնալիքի մասին ԱՄՆ-ի հայտարարությունների ֆոնին Ստամբուլում եվրոպական մի շարք երկրների հյուպատոսությունների փակումն անվանել է «հոգեբանական պատերազմ» երկրի դեմ, գրում է ՌԻԱ Նովոստին։
ԱՄՆ դեսպանատունը երկուշաբթի օրը զգուշացրել է իր քաղաքացիներին Ստամբուլի կենտրոնում ահաբեկչական հարձակումների վտանգի մասին։ Թիրախները կարող են լինել եկեղեցիները, սինագոգները, դիվանագիտական առաքելությունները Ստամբուլում կամ օտարերկրացիների շրջանում տարածված այլ վայրերում, հատկապես Ստամբուլի Բեյօղլու, Գալաթա, Թաքսիմ, Իսթիքլալ փողոցի թաղամասերը։ Ավելի վաղ Ստամբուլում Մեծ Բրիտանիայի, Նիդեռլանդների և Գերմանիայի հյուպատոսությունները դադարեցրել էին աշխատանքը՝ քաղաքի կենտրոնում ահաբեկչությունների սպառնալիքի պատճառով։
«Ամերիկան և Արևմուտքը չեն ցանկանում, որ մենք անկախ և ազատ լինենք այս աշխարհագրության մեջ: Այն ժամանակ, երբ մենք նպատակ էինք դրել ներգրավել 60 միլիոն զբոսաշրջիկների, նրանք նոր հոգեբանական պատերազմ սկսեցին Թուրքիայի դեմ», – մեջբերում է Սոյլուի խոսքը Hürriyet թերթը։
«Մենք գիտենք, թե ով է կերակրում ահաբեկչական կազմակերպություններին: Դա Ամերիկայի Միացյալ Նահանգներն է, որը կերակրում է PKK-PYD-ին (Թուրքիայում արգելված Քրդստանի աշխատավորական կուսակցությանը), Ամերիկան և Արևմուտքը, որոնք տարիներ շարունակ կերակրում են նրանց փողով, նյութատեխնիկական միջոցներով և մարդկային ռեսուրսներով, չեն հրաժարվել ահաբեկչական պետություն ստեղծելու իրենց երազանքից»,- ասել է Սոյլուն։
Տաթև Ֆռանգյան
