26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
ԼՂՀ Պաշտպանության բանակի նախկին հրամանատար Սամվել Բաբայանն ազատ արձակվեց. ՏԵՍԱՆՅՈՒԹ
Հասարակություն
15.06.2018 | 12:41
Վճռաբեկ դատարանի նախագահ Սերժիկ Ավետիսյանի նախագահությամբ այսօր կայացավ ԼՂՀ ՊԲ նախկին հրամանատար Սամվել Բաբայանի վճռաբեկ բողոքի քննությունը:
Ըստ վճռաբեկ բողոքի՝ Բաբայանին առաջադրված մեղադրանքները հիմնված են ենթադրությունների վրա և դատարանից պահանջում են արդարացման որոշում կայացնել: Մինչդեռ մեղադրող կողմը` Արամ Արամյանն ասաց, որ Առաջին ատյանի և Վերաքննիչ ատյանի կայացրած որոշումներն օրինական են և այդ դատական ակտերը բեկանելու հիմքերը բացակայում են:
Ի դեպ, նիստին ներկայացել էին նաև «Ծառուկյան» դաշինքի պատգամավորներ Նաիրա Զոհրաբյանն ու Վահե Էնֆիաջյանը: Նրանք Բաբայանի ազատ արձակման համար անձնական երաշխավորություն են ներկայացրել, դատարանը նաև հավելեց, որ «Ծառուկյան» դաշինքից բացի, այլ պատգանավորներ ևս անձնական երաշխավորություն են ներկայացրել:
Նշենք, որ ԼՂՀ ՊԲ նախկին հրամանատարի համար անձնական երաշխավորություն են ներկայացրել նաև «Ելք» խմբակցության պատգամավորներ Սասուն Միքայելյանն ու Հովիկ Աղազարյանը:
Դատարանը խորհրդակցական սենյակից վերադառնալով հայտնեց, որ Սամվել Բաբայանի նկատմամբ կիրառված կալանքը՝ որպես խափանման միջոց, վերացված է:
Սամվել Բաբայանը ազատության մեջ կլինի, երբ պատգամավորների անձնական երաշխավորության գումարը կվճարվի:
Բաբայանի գործով անցնող մյուս ամբաստանյալները՝ Սանասար Գաբրիելյանն ու Արմեն Պողոսյանը ևս ազատ արձակվեցին՝ ստորագրությամբ չհեռանալու մասին որոշմամբ:
Հավելենք, որ Բաբայանի և մյուսների գործը դատարանի որոշմամբ ուղարկվեց Առաջին ատյանի դատարան կրկին քննության առնելու պահանջով:
