09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Արծվիկ Մինասյանը համագործակցության ընդլայնման հարցեր է քննարկել Արգո Ավակովի և Դմիտրի Մարյասինի հետ
Տնտեսություն
03.07.2017 | 15:45
ՀՀ բնապահպանության նախարար Արծվիկ Մինասյանը հուլիսի 3-ին հանդիպում է ունեցել ԵԱՀԿ երևանյան գրասենյակի ղեկավար Արգո Ավակովի, ՄԱԿ-ի զարգացման ծրագրի (UNDP) հայաստանյան գրասենյակի մշտական ներկայացուցչի տեղակալ Դմիտրի Մարիյասինի և ՄԱԶԾ բնապահպանական ծրագրերի համակարգող Արմեն Մարտիրոսյանի հետ: Այս մասին տեղեկացրին ՀՀ բնապահպանության նախարարության տեղեկատվության և հասարակայնության հետ կապերի բաժնից:
Հանդիպման առանցքում ԵԱՀԿ-ի հետ համագործակցության հիմնական ուղղությունների վերաբերյալ հարցերի քննարկումն էր: Նախարար Արծվիկ Մինասյանը կարևորել է բնապահպանական ոլորտում ԵԱՀԿ-ի հետ համատեղ իրականացվող ծրագրերը, նշել, որ չնայած, կառույցի երևանյան գրասենյակի փակմանը, ակտիվությամբ և հետեևողականորեն շարունակելու են դրանց իրագործումը: Նախարարը նշել է ծրագրերի ինստիտուցիոնալացման և գործողությունները ճանապարհային քարտեզի վերածման անհրաժեշտությունը, ինչը կտա տեսանելի արդյունքներ:
Արգո Ավակովը շնորհակալություն է հայտնել հանդիպման համար, ներկայացրել նախատեսվող փոփոխություններից հետո փոխգործակցության հնարավորությունները, կարևորել դրանցում ՄԱԿ-ի զարգացման ծրագրի դերը: Դմիտրի Մարյասինն, իր հերթին, անդրադարձել է ՀՀ բնապահպանության նախարարության հետ հաջող համագործակցությանը, վստահեցրել, որ կան լավ հեռանկարներ դրա ընդլայնման համար: Հանդիպմանը խոսվել է գերատեսչության կարողությունների զարգացման անհրաժեշտության, տեխնիկական հագեցվածության և մի շարք այլ հարցերի մասին, որոնց մանրամասները կքննարկվեն արդեն աշխատանքային հանդիպումների ընթացքում: Ավարտին կողմերը ևս մեկ անգամ վերահաստատել են համագործակցության ընդլայնման և համատեղ աշխատանքին միտված պատրաստակամությունը:
