06.06.2026 | 21:10
Ջրափի գյուղի ընտրատեղամասում 3-րդ համարի քվեաթերթիկների տրցակը բացակայում էր․ ըստ ԿԸՀ-ի՝ խնդիրը տեխնիկական է
Թուրքիայի ընդդիմադիր դաշինքը ներկայացրել է նախընտրական ծրագիրը
Քաղաքականություն
31.01.2023 | 23:22
Թուրքիայի ընդդիմադիր Ազգային դաշինքը, որը բաղկացած է վեց կուսակցություններից, հրապարակել է «Համատեղ քաղաքականության կոնսենսուսային տեքստ» անվանումով իր նախընտրական մանիֆեստը, գրում են թուրքական լրատվականները։
Հիմնական ընդդիմադիր Ժողովրդահանրապետական կուսակցության (CHP) առաջնորդ Քեմալ Քըլըչդարօղլուն, աջ կենտրոնամետ İYİ (Լավ) կուսակցության առաջնորդ Մերալ Աքշեները, իսլամիստական Saadet կուսակցության առաջնորդ Թեմել Քարամոլլաօղլուն, Ժողովրդավարություն և առաջադիմություն կուսակցության (DEVA) առաջնորդ Ալի Բաբաջանը, Ապագա (Gelecek) կուսակցության նախագահ Ահմեդ Դավութօղլուն և Դեմոկրատական կուսակցության առաջնորդ Գյուլթեքին Ույսալը միասին մասնակցել են մայրաքաղաք Անկարայում անցկացված միջոցառմանը։
Ծրագիրը ներառում է 2300 դրույթ 75 հարցերի շուրջ, հիմնականում կենտրոնացած է 9 թեմաների շուրջ՝ օրենք, պետական կառավարում, հակակոռուպցիա ու թափանցիկություն, ֆինանսներ ու զբաղվածություն, գիտություն, ինովացիա, թվային փոխակերպում, կրթություն, սոցիալական քաղաքականություն, արտաքին քաղաքակություն, պաշտպանություն, անվտանգություն ու միգրացիա, ոլորտային քաղաքականություն։
Իսկ ահա նախագահի միասնական թեկնածուի անունը ընդդիմադիր դաշինքը հրապարակելու է փետրվարի 13-ին։
Էմմա Չոբանյան
