Ճանապարհային երթևեկության անվտանգության վրա 4 գործոն է ազդում․ մասնագետ․ ՏԵՍԱՆՅՈՒԹ

Ճանապարհային երթևեկության անվտանգության վրա 4 գործոն է ազդում։ Այս մասին այսօր «Ճանապարհային երթևեկության կազմակերպման անվտանգության բարձրացմանն ուղղված փոփոխություններ» թեմայով ասուլիսում  հյտարարեց ՀՀ տարածքային կառավարման և ենթակառուցվածքների նախարարության Ճանապարհային քաղաքականության բաժնի ավագ մասնագետ Արուսյակ Խաչատրյանը։

Նրա խոսքով` ճանապարհային երթևեկության կազմակերպման անվտանգության բարձրացմանն ուղղված փոփոխություններ են իրականացվում․ «Ոորոշումներում շատ բան կարող են գրվել, բայց երթևեկության մասնակիցները ևս պետք է իրենց հերթին պահպանեն պահանջները՝ ապահովելով անվտանգությունը»։

ՀՀ ՏԿԵՆ ճանապարհային քաղաքականության բաժնի ավագ մասնագետն ընդգծեց, որ ճանապարհային երթևեկության անվտանգությունը ենթադրում է համալիր միջոցառումներ։

«Հիմնական 4 գործոն կա, որոնք ազդում են ճանապարհային երթևեկության անվտանգության վրա, դրանք են՝ վարորդ, ավտոմոբիլ, ճանապարհ և միջավայր։ Այսինքն՝ երբ վերլուծում ենք ՃՏՊ-ները, պարզվում է, որ վթարն առաջաում է վարորդի սխալի, ավտոմոբիլի տեխնիկական անսարքության, ճանապարհի հետ կապված խնդրի կամ միջավայրի հետ կապված խնդրի պատճառով՝ նշանների բացակայության լուսացույցերի խափանման, անբավարար տեսանելիության և այլն։  

Անհրաժեշտ 4 գործոնները պետք է ապահովենք, որպեսզի երթևեկությունը լինի անվտանգ և ՃՏՊ-ների թիվը, ինչպես նաև դրանց հետևանքով զոհերի ու վիրավորների թիվը նվազի»։ 

Մանրամասները՝ տեսանյութում։