21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Իրանում Ադրբեջանի դեսպանությունն ամբողջությամբ դադարեցրել է իր գործունեությունը․ Ադրբեջանի ԱԳ փոխնախարար
Քաղաքականություն
29.01.2023 | 23:46
Իրանում Ադրբեջանի դեսպանատան դիվանագիտական գործունեությունն ամբողջությամբ դադարեցվել է, Sputnik գործակալության ադրբեջանական ծառայության հաղորդմամբ՝ Հեյդար Ալիևի միջազգային օդանավակայանում լրագրողներին ասել է Ադրբեջանի ԱԳ փոխնախարար Խալաֆ Խալաֆովը:
«Դեսպանատան դիվանագիտական գործունեությունն ամբողջությամբ դադարեցվել է։ Այնտեղ հինգ մարդ է մնում վարչական շենքի և գույքի պահպանության համար, դիվանագիտական գործունեություն նրանք չեն իրականացնի», – ասել է Ադրբեջանի փոխարտգործնախարարը։
Հիշեցնենք՝ Թեհրանում Ադրբեջանի դեսպանատան վրա օրեր առաջ զինված հարձակում է տեղի ունեցել․ կան վիրավորներ և 1 զոհ, հարձակվողին ձերբակալել են։
Պաշտոնական Բաքուն Իրանում Ադրբեջանի դեսպանատան վրա իրականացված հարձակումն «ահաբեկչություն» է որակել։
Հարձակման վերաբերյալ Թեհրանի քրեական դատախազի պաշտոնակատարն ասել է, որ զինված անձը Թեհրանում Ադրբեջանի դեսպանատան վրա հարձակվել է անձնական դրդապատճառներով։
