14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Չեխիան նոր նախագահ ունի
Քաղաքականություն
28.01.2023 | 20:43
Չեխիայի նախագահական ընտրություններում հաղթել է բանակի պաշտոնաթող գեներալ Պետր Պավելը։
DW-ի փոխանցմամբ՝ AFP-ի տվյալներով՝ Չեխիայի նախագահական ընտրություններում քվեաթերթիկների 99 տոկոսը մշակելուց հետո Պետր Պավելն ունի ձայների 58 տոկոսը, Անդրեյ Բաբիշը՝ 42 տոկոսը:
Նախկին վարչապետ Անդրեյ Բաբիշը շնորհավորել է Պետր Պավելին Չեխիայի նախագահի ընտրություններում հաղթանակի կապակցությամբ:
Պետր Պավելը կդառնա Չեխիայի չորրորդ նախագահը 1993թ. անկախացումից հետո։ Նախկին գեներալն ավելի վաղ խոստացել էր «վերականգնել կարգուկանոնը» երկրում։
Միջանկյալ արդյունքներով ընտրողների մասնակցությունը գրեթե 70% է: Սա ռեկորդային ցուցանիշ է երկրում։ Չեխիայի նորընտիր նախագահ Պետր Պավելի երդմնակալությունը տեղի կունենա մարտի 9-ին: Այդ մասին հայտնել է խորհրդարանի խոսնակ Մարկետա Պեկարովա-Ադամովան:
