09.09.2026 | 15:33
ՊԵԿ-ը ստուգել է Նարեկ Նալբանդյանի բիզնեսները․ ՏԵՍԱՆՅՈւԹ
Կլինեն գործողություններ, կլինեն պատասխաններ․ Զախարովան` ԵՄ դիտորդներին ռուս խաղաղապահների արձագանքի մասին․ ՏԵՍԱՆՅՈՒԹ
Քաղաքականություն
27.01.2023 | 18:06
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, թե ՀՀ սահմանային շրջաններում ԵՄ առաքելության ներկայացուցիչների հայտնվելուն կարձագանքեն ռուս խաղաղապահները։ Ամենշաբաթյա ճեպազրույցում հարցին, թե ի՞նչ է նշանակում սա, ինչպիսի՞ն կլինի ռուս խաղաղապահների արձագանքը, Զախարովան նախ կոպտորեն ընդհատում է հայ լրագրողին, ապա հայտարարում, թե կլինեն գործողություններ, կլինեն արձագանքներ։
«Կլինեն գործողություններ, կլինեն արձագանքներ։ Չեն լինի գործողություններ, չի լինի արձագանք։ Ամեն ինչ շատ պարզ է։ Իսկ ֆանտազիաների տրվել պետք չէ»,- վրդովված հայտարարում է Զախարովան։
Երբ հայ լրագրողը փորձում է ներկայացնել Լաչինի միջանցքին վերաբերող իր հարցը, Զախարովան հերթական անգամ ընդհատում է՝ չթողնելով անգամ հնչեցնել հարցը։
«Պետք չէ, պետք չէ։ Ես այդ մասին արդեն ամեն ինչ ասացի»,- ասում է ՌԴ ԱԳՆ ներկայացուցիչը՝ հրաժարվելով պատասխանել հարցին։
Մանրամասները՝ տեսանյութում։
Տաթև Ֆռանգյան
