10.10.2026 | 19:12
Ֆուտբոլի Հայաստանի հավաքականը հոկտեմբերի 14-17-ը մարզական հավաք կանցկացնի. Մ-17
«Սասնա ծռեր»-ի գործով 18 մեղադրյալներից 16-ը հեռացվեցին նիստերի դահլիճից
Հասարակություն
03.07.2017 | 14:39
«Սասնա ծռեր»-ի գործով 18 մեղադրյալի մասով առաջին դատական նիստի մեկնարկին նիստը նախագահող դատավորն արձանագրել է, որ «Սասնա ծռերն» անհարգալից վերաբերմունք են դրսևորել դատարանի նկատմամբ և ոտքի չեն կանգնել։
Դատարանը, բացառությամբ Արամ Մանուկյանի, որը դժվար է տեղաշարժվում ու հենակներով է քայլում, մյուսների նկատմամբ կիրառել է դատական սանկցիա՝ նախազգուշացում։
Ամբաստանյալ Սերգեյ Կյուրեղյանն էլ նլատել է. «Իսկ դուք հարցրեցի՞ք պատճառը, թե ինչու ոտքի չենք կանգնում, կամ արդյոք Արամ Մանուկյանի ոտքի չկանգնելու պատճառն առողջական խնդիրներն են։ Դատարանին չի՞ հետաքրքրում, թե ինչու ոտքի չենք կանգնում»։
Դատական սանկցիա է կիրառվել ամբաստանյալների 16-ի նկատմամբ՝ դատական նիստերի դահլիճից հեռացնելով, իսկ երկու ամբաստանյալները՝ Արամ Մանուկյանն ու Սերգեյ Կյուրեղյանը, նախազգուշացում են ստացել։
