16.11.2024 | 15:35
Վարչապետ Փաշինյանը շնորհավորել է Ռոբերտ Ամիրխանյանին ծննդյան 85-ամյակի կապակցությամբ
Հրդեհի գործով մեղադրյալ սպային կալանավորելու միջնորդություն է ներկայացվել դատարան
Հասարակություն
26.01.2023 | 16:53
Զինվորական կացարանում բռնկված հրդեհի հետևանքով նախաձեռնված քրեական վարույթի շրջանակներում ձերբակալված սպա Գ․Ա․-ին մեղադրանք է առաջադրվել, նրան կալանավորելու միջնորդություն ներկայացվել դատարան։ Այս մասին Factor.am-ի հարցին ի պատասխան ասաց Քննչական կոմիտեի մամուլի քարտուղար Գոռ Աբրահամյանը։
Հիշեցնենք, որ այսօր առավոտյան Դատախազությունը հաղորդագրություն է տարածել այն մասին, որ որոշվել է ՀՀ ՊՆ N զորամասի թիկունքի պետ-հրամանատարի թիկունքի և կոմունալ շահագործման ծառայության գծով տեղակալ Գ.Ա.-ի նկատմամբ հարուցել հանրային քրեական հետապնդում՝ ՀՀ քրեական օրենսգրքի 550-րդ հոդվածի 3-րդ մասով (զինվորական պաշտոնեական անփութություն, որն անզգուշությամբ առաջացրել է մարդու մահ)։
Այս հոդվածով սահմանվում է 5-ից մինչև 15 տարի ժամկետով ազատարզկում։ Այս որոշումից հետո Քննչական կոմիտեն, փաստորեն, արդեն մեղադրանք է առաջադրել սպային և նրան կալանավորելու միջնորդություն ներկայացրել դատարան։
Արաքս Մամուլյան
